Maono 21:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Milango kumi na mbili avilá vivele vyuma vyabei yoe kumi na mbili, kula nnango vakandyenge kwashuma shimo bai. Ibalabala ing'umene yanjini awo, vakandyenge kwashaabu íkave ushapu kenga shilolo shakulangala.

Maono 21:21 ပူးပေါင်းရင်းမြစ်များ

Maono 17:4

Nkongwe jo agwete ligauni lyailangi yanshambalau na yanauvi; andílinemya na shaabu, majanga amali na vyuma vyabei yoe. Mmakono mwake andínyukata shikombe shashaabu shuumbéle vinu vyakudabukanga na vishapu vilódya vyakulauka kwake.

Maono 18:16

vakugwa vaashidoni, “Apambale! Apambale njini ukumene, ágwete dinguvo dyakunamikanga, dyailangi yanshambalau na yanauvi wavannamidye na shaabu, majanga alimashi pamo na vyuma vyabei yoe!

Maono 21:15

Njelo áshitangola namu nangu aijá, andívanavo nnandi washipimo wavakandyenge na shaabu pakulota apime njini, milango vyake pamo na lishiti.

Maono 21:18

Lishiti alyo vadangile na majanga amanjano na njini uvele washaabu íkave ushapu ilinganéne na shilolo.

Maono 22:2

áshipita shing'ati ibalabala yanjini awo. Kula mwangu walundi alwo upali nnandi washingumi upunígwa myanda kumi na mbili, kula mwedi unkupa shepo shake. Mamba annandi awo, atumika kwakuvaponia venentete uti vamushilambo.

Maono 4:6

Namomo mushu mwashiteng'u asho, shinkupagwa shinu mwaimanga yashilolo kenga lijanga lyakulangala. Nyenje mwake shiteng'u vinkupagwa viumbi nsheshe vyakuvaumbala mevo mushu na kunyuma.