Maono 20:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 20:4 ပူးပေါင်းရင်းမြစ်များ

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 24:10

Muwakati awo voe vandavainjidyanga mulidambi, vanji vandavalimya na vanji vandavangadika.

Malukushi 6:16

Kanji Elode paigwite malove alo nae kushidoni, “Nshuwau ajo; jo waninnamulidile nangu vanshinde, apo jojo jo, andidyuka.”

Malukushi 6:27

Umu kutwala kuntuma mwing'ondo akaidenavo muti wo. Nae kuka kukalaboshi nanshinda Nshuwau

Malukushi 9:11

Nadoni vakwoda vake vandímudya, “Mwaa shani vamwalimu vadishaliya vankushidoni, ‘Ivaikidilé Liyashi ave ntandi kwida?’ ”

Lukashi 1:17

Nae andauka mushu mwake nkati mwimumu na kwadimongo dimwe Liyashi ndashinjiulila mitima vyavatatamunu kuvana, kuvashinjiulila vákaligwa kwalimanyilo lyavaishaliya kwambangidya avapanganiange venentete vakumpwashalela shana Umu.”

Lukashi 14:14

undona undajaligwa mwaa vanavo havavenavo shakukuujidya vilava. Wako vandakulipa muliduva lyakudyuka vaishaliya.”

Lukashi 22:30

pakulota mulye na mukumbile pandamu wangu muutawala wangu na mwikale muviteng'u muukumu makola kumi na mbili amwe Ishilaeli.”

Nshuwau 14:19

Undiijalila wakati padyoko shilambo hashingwona ila mwenu munangwona. Kwoda nangu ninkunama, namwenu momo mundanama.

Valoma 11:15

Mwenu, ikava kenga kujaigwa kwave kundiidanavo kwigwania mushilambo, ilota kuva dashi kukubaligwa kwave paikava shingumi shuumíle mukupela?

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

Maono 1:2

Nshuwau andivalanganga uti vyagwene mulilove lya Nnungu na ushuda umwe Yesu Klistu.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 11:11

Ling'oto lyamaduva matatu na nushu alalá, imumu yashingumi yakwalakela kwa Nnungu kwinjila mumitui amulá kutwala mitui vyo kutakatukanga kwimila. Napane vanu vavagwéne kundivakumba kujopa kukumene namene.

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”

Maono 11:7

Napanelo pavamalila ushuda wave, lidimu wakwalakela ku Litavaleva andavatenda ing'ondo kutwala kuvatema na kuvabyaa.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 14:11

lyoi livauvyauvyánga vanu avo, lindakwela ngwengwe ngwengwe. Koko ko, shilo na mui halipagwa shinu litala lyakupumula avalá valipúdya kumwe lidimu pamo na lishinamu lyake, namomo uti avalá vavikígwe numalu walina lyake.”

Maono 15:2

Nindyóna shinu mwaimanga yashilolo yanganikéne na moto, popo po vàimilenge avalá ve vantamíle lidimu, lishanamu lyake na inamba yalina lyake. Mmakono mwave vàkamulidile dikanyembe dyake Nnungu

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.

Maono 2:26

“ ‘Nkútema na átandedya uti mwangulatela nangu mpaka kumwisho ndamupa madalaka akuvatawalila venentete:

Maono 20:6

Wakwalaligwa na wakwilimyanga ni aijá álota kupagwa mukudyuka kutandi! Kupela kwambili hakuve madalaka kwavanavo; vovo vo vandava vakulangalalela-shadaka vamwe Nnungu na vamwe Klistu, vandatawala namu nae vyaka alupu imo.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.

Maono 6:9

Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.

Maono 7:3

aashidoni, “Hamunaanangange shilambo, imanga ata milandi mpaka apalá patulota kummika namakong'o pavyenye vyavatumika vake Nnungu.”