Maono 20:2 - Ibibiliya mu Shimakonde Imbodi Yaambi na dimbande dya Imbodi Yakala

² Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;

Maono 20:2 ပူးပေါင်းရင်းမြစ်များ

Mateu 19:29

Napanelo kula munu álakile ing'ande yake, vakuluvake, valumbuvake, tatake, anyoke, vanavake kwali mashamba kwamwaa wangu nangu, andapata vyoe vyakwanjadyeka myanda miya na shingumi shíkamalilika sho, andapata.

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Malukushi 4:15

Imbeju kugwilila nanyenje indila, vankuva vanu vapwashaléla lilove lipandígwa; vanavo muwakati wowo wavaigwa lilove, Shatwani kwidinneu ndaukula lilove lyavapandile mmitima myave.

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Nshuwau 16:11

kwaukumu mwaa nkútawala washilambo ashi andyukumigwa.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

II Patulu 2:4

Mwenu, ikava kenga Nnungu havavikidíle shitete vanjelo vatagíle ila andivajela kushena akulá kwakudimba kwavavaungile mang'unyang'unya kwambangidya vavakondye valindila ukumu;

Yudashi 1:6

Namomo vanjelo vakanyalidíle sheo shave vo vene bai vandíleka mautu ave, nadoni Nnungu andivakondya kushii vàvaungile mang'unyang'unya ákamalilika pakulota vaukumigwe muliduva alilá likumene.

Maono 12:13

Napanelo lijoka jo pamanyite kenga andijalegwa pai, andítunduvanga kummingilidya aijá nkongwe ámmaleke mwana nnume.

Maono 12:15

Napanelo nyoka aijá nkanywa mwake andítapika medi kenga lundi kupita lumwoda nkongwe kwambangidya lupite lunjola na dimongo.

Maono 12:17

Bai lijoka jo anínshimwidya nkongwe aijá akalinyemya kuka ndavatenda ing'ondo udukulu ubakidíle wankongwe yani avalá vaigwilíla malamulo a Nnungu na vakamulidíle ushuda wake Yesu.

Maono 12:3

Namomo ko kuwa ko kundyáneka shimanyikilo shinji: mwe! Lijoka likumene lyanauvi lyakuvanavo myuti saba na dimembe kumi, myuti mo kuvanavo madaka saba.

Maono 12:4

Nshila wake andíkumba imbandi yantatu yadinondo dyakuwa kutwala kupakatiyangidya pai. Lijoka andíimila pepi na pavéle nkongwe aijá ávandike na kushuluwa annindila mwana palota kuvalekwa, ammile.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:2

Lidimu waningwéne aijá avele kenga shuvi, madodo ake kuva kenga linyoma na ikanywa yake kuva kenga yantumi. Lijoka aijá andímwing'a lidimu dimongo dyake, shiteng'u na madalaka oe.

Maono 13:4

Vanu uti vandílipudya kumwe lijoka kwamwaa wakujaula madalaka ake kumupa lidimu aijá; namomo vandílipudya kumwe lidimu vaashidoni, “Nyani ávele kenga lidimu aju? Na nyani álota kuulula kuntenda ing'ondo?”

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 20:7

Pavilota kumalilika avilá vyaka alupu imo, Shatwani andaunguligwa mushipungu shake

Maono 9:11

Vovo vo, vankuvanavo umu wave yani njelo wa ku Litavaleva, mushibalaniya Abadoni na mushigalegu, Apoliyoni.