Maono 20:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Imanga indívajaula vakupela vapagwíte amo, Kupela na Kumoka kuvajaula vakupela vapagwíte kwanavo, uti avo vandyúkumigwa kula munu kulingana na vitendo vyake.

Maono 20:13 ပူးပေါင်းရင်းမြစ်များ

Mateu 11:23

Nawako Kapalanaumu! Da ulota kulikwedya mpaka kuwa? Bai vandakupandamwalela kumoka. Makango atandéke kwako wako leka àtandeke ku Shodoma, njini awo ukandipagwa mpaka nelo.

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

I Vakolintu 15:26

Mmongo wamwisho kubamolegwa alota kuva kupela.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.

Maono 20:12

Namomo ndívona vapadíle vadyoko na vanang'olo vàimilenge mushu shiteng'u, popo po mabuku andyúnguligwa. Lindyúnguligwa libuku linji, yani lyashingumi. Vapadíle vo vandyúkumigwa kulingana na avilá vyandikígwe mmabuku kula munu na vitendo vyake.

Maono 20:14

Bai Kupela na Kumoka vandíjalegwa mulitanda lyamoto. Litanda lyamoto lyo, aku ni kupela kwambili.

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”

Maono 6:8

Ndikalole ndímwona punda wailangi yaliu. Ánkwadile punda ajo, vashinshema Kupela, Kumoka kushindamwoda pepi-pepi. Vovo vo, vandivapa madalaka akuvabyaa vanu na lyambila, indala, vilwele na vanyama vakukalipa mwimbandi yansheshe yashilambo.