Maono 2:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Ila vipali vinu padyoko vikunyatyánga wako, ako vapali vaodedya mapundisho ake Balaau, aijá ámpundishidye Balaki kuvateja lutambo vanaishilaeli pakulota valye vyakulya vyavashivaumidya vannungu vakushang'apa na valavalave;

Maono 2:14 ပူးပေါင်းရင်းမြစ်များ

Mateu 18:7

Shipambale shilambo kwamwaa wavitendo vivatádya vanu vatege. Ngwengwe vyakunyata vivatádya vanu vatege vindaumilila napane apambale aijá álota kwidanavo vyakunyata avyo!

Vitendo 15:29

Hamunalye vyakulya vyavavaumididye vannungu vakushang'apa, hamunalye myadi, hamunamamene dinyama dyavanyama vakuvapambilila na hamunalavalave. Vinu avyo mukatandedya ni shambone namene. “Bai apa ni pamwisho.”

Vitendo 21:25

Kanji kwaupande wavakukulupila vaumíle pakati pavamidi, wetu tundivaandikila ibalugwa yakuvamanyiya mwatwamulidile wetu tuushidoni, ‘Havanamamene inyama yavashindile vavaumidya shadaka vannungu vakushang'apa, havanalye myadi, havanamamene inyama yannyama wakumpambilila na ata havanalavalave.’ ”

Valoma 11:9

Namomo Daudi atédoni, “Ndamu wave luve kwavanavo lutambo na lungau kwavanavo live liliva na shaushanga.

Valoma 14:13

Napavedoni tuleke kuvaukumu vanu vanji kanji leka apo, mwenu amuwa mene kummikila nung'unumunu shakulikuvala kwali kunteya ntego.

Valoma 14:21

Ni shambone kudyanga mene kumamena inyama kwali kukumbila ugwalwa na ata kutenda shoeshoe shilóta kuntadya nung'unumunu alikuvale.

Valoma 9:32

Mwaa wanyamani? Mwaa havashoodedya kwalikulupililo kanji vashoodedya kenga paikavéle kwashimadengo. Vanavo vandilikuvala mulijanga lyakulikuvala.

I Vakolintu 1:23

kanji napane wetu tunkummalanganga Klistu wakukamalalegwa panshalaba, kwavayuda kuva shakulikuvala na kwavamidi kuva ujinga,

I Vakolintu 7:2

Kanji kwamwaa wakulavalava, kula nnume inimmaikila avenavo nkongwe ndyagwe na kula nkongwe avenavo nnume ntwagwe.

Vabalaniya 13:4

Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.

II Patulu 2:15

Vanavo vandyambukanga indila yashalowa kutwala kwashela kwoda indila imwe Balaau mwanagwe Beoli munu íshinnagwela kupata paida kwaindila yaungave-shaliya;

Yudashi 1:11

Vapambale! Mwaa vanavo vankwodedya indila yoyo imwe Kaimu kwamwaa wapaida, vanavo vandiliinjidyanga mumakosha lolo amwe Balaau, nimumo momo vandabamolegwa nkati mukupinga kumwe Kola.

Maono 2:20

Ila napane shipali shikunyatyánga, wako unkumpambedya Yeshebeli nkongwe álivika kuva nkúlava. Kwamapundisho ake, nae ankuvaashedya vatumika vangu mukulavalava na mukulya vyakulya vyavavaumididye vannungu vakushang'apa.

Maono 2:4

Ila napane shipali shikunyatyánga; wako undileka linagwaledyo lyako litandi.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.