Maono 16:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Bai kundyúmilila kumeta, shilindimu, ding'uva na shindangenda shikumene; shindangenda shakujowa shíkanava kuumilila tangu kukandyangigwa munu mushilambo shapai.

Maono 16:18 ပူးပေါင်းရင်းမြစ်များ

Mateu 24:21

Muwakati awo andapagwa mauvilo makumene ainamuna íkaumilidile tangu kukandyangigwa shilambo mpaka nelo apa na lolo lo, mwiko hapagwa shinu kavili.

Maono 11:13

Muwakati wowo shindyúmilila shindangenda shakujowa kutwala imbande imo yakumi yanjini kubamoka. Shindangenda shosho sho, vandípela vanu dyalupu saba, vabakidíle vo, kundívaida kujopa na vandímupa lishangelo Nnungu wakuwa.

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Maono 4:5

Po pashiteng'u po, pankumeta na pankuma vilindimu vyading'uva. Mushu mwake, vinkukalela moto vyenje saba, vyenje avi ni dimumu saba dya Nnungu.

Maono 6:12

Napanelo ndílola kumwona Ngandolo pashinamatula ishelu yasita kutwala kuumilila shindangenda. Liduva lindídimba kenga inguvo yakaniki na mwedi uti kukunduvala kenga myadi;

Maono 8:5

Napanelo aijá njelo andítwala shombo shalubani ashilá kuumbadya makala amoto apalutali kutwa kujela mushilambo shapai. Bai kundyúmilila ding'uva, shilindimu, kumeta na shindangenda.