Maono 16:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Maono 16:14 ပူးပေါင်းရင်းမြစ်များ

Mateu 24:14

Nadoni ntenga wambone wautawala undavalangangigwa mushilambo uti pakulota uve ushuda kwavenentete uti kutwala kuwika mwisho.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

Lukashi 2:1

Napanelo mumaduva alo Shashali Agustu andyúmya lilamulo lyakulota vanu uti vavilambo víshilangalalegwa na Loma valyandikishe.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Valoma 1:8

Shinantandi ninkunnambwalela Nnungu wangu kwaindila imwe Yesu Klistu kwamwaa wenu mwenu uti mwaa likulupililo lyenu linkuvalangangigwa mushilambo uti.

II Vateshalonika 2:9

Kwida kumwe waungave-lilamulo kulota kwodananavo shimadengo shimwe Shatwani kwadimongo uti, vimanyikilo na vyakutikinikanga vyaushwang'a

I Timoti 4:1

Imumu napane ankutangola ngala doni, muwakati wamwisho vanji vandaambukanga likulupililo kwigwilila dimumu dyakuduwanga na mapundisho avandamoni,

Tiyagu 3:15

Shinamidyo ashi hashinalangalalegwa shinu na limanyilo lyakwalakela kuwa ila ni lyashilambo sho shapai ashi, lyashivalakwelo na lyashindamoni.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:3

Muti umo pakati pamyuti vyalidimu ajo, nindyóna vàkang'ene namene kanji shilonda shake shashilota apele, shìponile. Shilambo uti shindíshanga kutwala kumwoda lidimu jo.

Maono 16:16

Napanelo dimumu nnatu dyamajini adilá dindívakumbulila pamo vaumu palyutu lyavashema mushibalaniya Alimagedoni.

Maono 16:7

Napane ndígwa alutali luushidoni, “Elo Umu Nnungu Wadimongo-uti, ukumu yako ni yaumwiu na yaishaliya.”

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 20:8

na andauma kupita avaduwanga venentete vavéle mmatununa nsheshe ashilambo shapai, yani Gogi na Magogi kwambangidya avakumbulile kwing'ondo. Ishabu yave ni kenga dimbwe dyamwimanga.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Maono 6:17

Mwaa lindiwika liduva likumene lyashitundi shave, nyani álota kuulula kunanopa?”