Maono 14:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napanelo kuwa ko lindíigwinika lidi liishidoni, “Andika! Vandyalaligwa avalá valóta kupela nkati mumwe Umu kutunduvangila ambi apa kuka mushu.” Imumu ankushidoni, “Elo, vanavo vandapumula shimadengo shave shadimongo mwaa vyepo vyashimadengo shave, vindavoda.”

Maono 14:13 ပူးပေါင်းရင်းမြစ်များ

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Lukashi 16:9

“Nangu ninkumwaulila doni, panga dimbodi kuwa mutumila mali aungave-ishaliya pakulota mushu mo akamalilika, vanavo kuwa ko, vampwashalele.

Valoma 14:8

Kwali ikava kenga tunkunama, tunkunama kumwe Umu kwali ikava kenga tunkupela, tunkupela kumwe Umu. Nadoni ata tukanama kwali tukapela, tùvake jo mwene Umu.

I Vakolintu 15:18

Namomo avalá vapadíle nkati mumwe Klistu, vandijaika.

I Vakolintu 15:20

Kanji napanelo Klistu mwiu andidyuka mukupela; jojo jo kuva shepo shitandi pakati pa avalá valéle.

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

II Vakolintu 5:8

Napane tunkuvanavo ntima shii na inkutunagwela tupagwe kushu kwamili na tupagwe kumwe Umu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

I Vateshalonika 4:14

Mwaa ikava kenga tunkukulupila kenga Yesu andipela kutwala kudyuka nimumo momo tunkukulupila kenga uti avalá valéle nkati mumwe Yesu, Nnungu andavaidanavo pamo namu nae.

I Vateshalonika 4:16

Mwaa jo mwene Umu andashuluka kwaloka kuwa na lidi lyadimongo, lidi lyanjelo nang'olo, lidi lyalipalapanda lya Nnungu na avalá vapadíle nkati mumwe Klistu, vandava vatandi kudyuka

I Vateshalonika 5:10

ápadile kwamwaa wetu kwambangidya ata tukava mevo kwali tukalala, tuname namu nae.

I Timoti 5:24

Madambi avanu vanji ankwaneka ngala alangalalela muukumu kanji avanu vanji aatika kunyuma.

I Timoti 5:25

Nimumo momo shimadengo shambone shinkwaneka ngala na ata ashilá shilipiídye, hashuulula kupiika.

Maono 1:11

liishidoni, “Vyawona avi andika mushidingo shalyamba utwa utumidye mmaganisha saba avéle ku Ashiya: Epeshu, Eshimilina, Peligamu, Tiyatila, Shalideshi, Piladelipiya namu Laudisheya.”

Maono 10:4

Akaume madi ading'uva saba adyo, nangu ngubakidile padyoko na kwandika kanji ndígwa lidi lyakwalakela kuwa liishidoni, “Vinu vitangaléke na ding'uva saba dyo, piya; haunandike!”

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Maono 16:17

Njelo wasaba andímimina ndamu kuniania kutwala kwigwinika lidi likumene líshaalakela pashiteng'u mwing'ande ya Nnungu liishidoni, “Tayali indiwikila popo!”

Maono 19:9

Njelo kutwala kungwaulila doni, “Andika: Vandyalaligwa avalá valalikígwe kupagwa pandamu washitamo shimwe Ngandolo!” Kavili kungwaulila kushidoni, “Ala ni malove aumwiu ake Nnungu.”

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 20:6

Wakwalaligwa na wakwilimyanga ni aijá álota kupagwa mukudyuka kutandi! Kupela kwambili hakuve madalaka kwavanavo; vovo vo vandava vakulangalalela-shadaka vamwe Nnungu na vamwe Klistu, vandatawala namu nae vyaka alupu imo.

Maono 21:5

Napanelo aijá e aikéle pashiteng'u kutwala kushidoni, “Vinu uti ninkutenda kuva vyaambi.” Kavili kushidoni, “Andika mwaa malove ala ni akukulupilika na aumwiu.”

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.

Maono 6:11

Bai vandívapa kula munu ikanju yanashwe na kuvaulila valindile kavili padyoko mpaka itimile ishabu yavatumikamwagwe na yavanung'unumunu valóta kubyaigwa kenga momo mwavabyaigwididye vanavo.