Maono 14:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ namomo andakumbila vinyu vyakushimwa kwake Nnungu vyavamiminidile muluwene lwashitundi shake bila kudimulanga. Leka apo, jojo jo andauvauvanga moto na ipataki pamevo pavanjelo vakwilimyanga na pamevo pa Ngandolo;

Maono 14:10 ပူးပေါင်းရင်းမြစ်များ

Mateu 20:22

Yesu kushidoni, “Mwenu hamumanyite shamujugwa. Da mwenu mundaulula kukumbila luwene lwolwo lwangulota kukumbila nangu?” Vanavo do, “Tundaulula.”

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 26:39

Nae akauka mushu padyoko kugwa ing'ope kutindya pai kutwala kushwali aashidoni, “Atata, ikaululika nyemya pamili pangu luwene alu ila haunatende mwangulatela nangu, tenda mwaulatela wako umwene.”

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Malukushi 9:44

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

II Vateshalonika 1:7

kutwala kumupa mwenu múuvauvanga kupumula pamo namu wetu. Ashi shindatandeka paaneka Umu Yesu aumilila kuwa pamo na vanjelo vake vadimongo

Yudashi 1:7

Kenga mwaivalaléle makaja a ku Shodoma na Gomola na makaja ashitanono, anavo ankuva kenga mpano washaushanga shamoto úkamalilika; venentete vandílipalakedya muvyakulauka na kuvingilidya malotelo ákavele ashivalakwelo.

Maono 15:7

Napanelo shiumbi shimo pakati pa avalá nsheshe andíjaula midamu saba vyashaabu kuvapa avalá vanjelo saba, midamu avyo vyùmbele shitundi shake Nnungu ánama ngwengwe ngwengwe.

Maono 16:19

Njini ukumene aulá undíjavanika disemu nnatu, navyanavo minjini vyavenentete vindíbamalegwa. Nnungu andíkumbukila njini ukumene wa Babiloni kutwala kwing'a shikombe shavinyu shakushimwa kwake.

Maono 18:3

Mwaa venentete uti vandikumbila vinyu vyashitundi shawendi wake. Vaumu vamushilambo vanditenda vyakulauka namu nae, vamishulusho vamushilambo kutajilika poe kwadimongo dyashinamidyo shake shaditamaa.”

Maono 18:6

Mo mwatandalele nae, ntandele momo, nnipe myanda mivili avilá vyatandile, muluwene lwake jo mwene mwanganienge, mwenu mwanganiangidye myanda mivili.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 20:14

Bai Kupela na Kumoka vandíjalegwa mulitanda lyamoto. Litanda lyamoto lyo, aku ni kupela kwambili.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”