Maono 13:2 - Ibibiliya mu Shimakonde Imbodi Yaambi na dimbande dya Imbodi Yakala

² Lidimu waningwéne aijá avele kenga shuvi, madodo ake kuva kenga linyoma na ikanywa yake kuva kenga yantumi. Lijoka aijá andímwing'a lidimu dimongo dyake, shiteng'u na madalaka oe.

Maono 13:2 ပူးပေါင်းရင်းမြစ်များ

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Maono 12:13

Napanelo lijoka jo pamanyite kenga andijalegwa pai, andítunduvanga kummingilidya aijá nkongwe ámmaleke mwana nnume.

Maono 12:15

Napanelo nyoka aijá nkanywa mwake andítapika medi kenga lundi kupita lumwoda nkongwe kwambangidya lupite lunjola na dimongo.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:12

Nae andítumila madalaka uti palina limwe aijá lidimu ntandi pamevo pake, ashindatadya shilambo shapai na vanu vanáma amo valipudye kumwe lidimu ntandi e avénavo shilonda shashilota apele kutwala kupona.

Maono 13:4

Vanu uti vandílipudya kumwe lijoka kwamwaa wakujaula madalaka ake kumupa lidimu aijá; namomo vandílipudya kumwe lidimu vaashidoni, “Nyani ávele kenga lidimu aju? Na nyani álota kuulula kuntenda ing'ondo?”

Maono 16:10

Njelo wamwanu andímiminila ndamu wake pashiteng'u sha aijá lidimu kutwala muutawala wake kwinjila shii. Kwamwaa wakupwateka, kula munu ashindamamena lulimi lwake,

Maono 17:12

“Dimembe kumi dyaugwene dyo, ni vaumu kumi vákanava kupata utawala kanji vandapata madalaka akutawala wakati waisaa imo pamo namu aijá lidimu.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;