Maono 13:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Bai lidimu wambili aju ashindatenda vimanyikilo vikumene ata mpaka kutadya moto ushuluke kuwa wide pai pamevo pavanu.

Maono 13:13 ပူးပေါင်းရင်းမြစ်များ

Mateu 16:1

Napanelo mapalishayo pamo na mashadukayo vandímuukila Yesu nanninga kunjugwa avalodye shimanyikilo shakwalakela kuwa.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

Maono 11:5

Munu álota kulingangila kuvatenda kunyata, ndikanywa mwave mundauma moto wakuvalya vammongo vave. Amu ni muvaikidíle kupalangila avalá valóta kuvatenda kunyata vanu avo.

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 20:9

Venentete vandíwena mudibondi uti dyamushilambo kutwala kutang'anedya ikambi yavakwilimyanga, njini wakunagwaleka. Kanji kuwa ko undíshuluka moto kwida ndavalya.