Maono 12:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nshila wake andíkumba imbandi yantatu yadinondo dyakuwa kutwala kupakatiyangidya pai. Lijoka andíimila pepi na pavéle nkongwe aijá ávandike na kushuluwa annindila mwana palota kuvalekwa, ammile.

Maono 12:4 ပူးပေါင်းရင်းမြစ်များ

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Maono 12:7

Napanelo kuwa indyúmilila ing'ondo: Migele pamo na vanjelo vake vandyúka nantenda ing'ondo aijá lijoka nanae lijoka na vanjelo vake kujang'ula moto.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:2

Lidimu waningwéne aijá avele kenga shuvi, madodo ake kuva kenga linyoma na ikanywa yake kuva kenga yantumi. Lijoka aijá andímwing'a lidimu dimongo dyake, shiteng'u na madalaka oe.

Maono 13:4

Vanu uti vandílipudya kumwe lijoka kwamwaa wakujaula madalaka ake kumupa lidimu aijá; namomo vandílipudya kumwe lidimu vaashidoni, “Nyani ávele kenga lidimu aju? Na nyani álota kuulula kuntenda ing'ondo?”

Maono 16:13

Bai níndyona nkanywa mwalijoka, mwalidimu na mwankúlava wakushang'apa auma majini mashapu matatu akulandana na vitogwa.

Maono 17:18

Nkongwe waungwene jo, ni aulá njini ukumene uvatawála vaumu vamushilambo shapai.”

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;

Maono 8:10

Njelo wantatu andyómba lipalapanda kutwala kuwa ko kumatuka inondo ing'umene kenga likamu lyamoto likaléla ndagwilila mwimbandi yantatu yadyundi na mwapandukanga medi:

Maono 8:11

lina lyainondo ayo vashishema, “Lipangapanga.” Bai imbandi yantatu yamedi indíjalukanga kuva akukalala na vanu voe vandípalanga kwamwaa wakukalala kwamedi alo.

Maono 8:12

Njelo wansheshe andyómba lipalapanda kutwala kuligwa imbandi yantatu yaliduva, yamwedi, yadinondo na mpaka imbandi yantatu yavinu avyo indídimba. Imbandi yantatu yamui na yashilo momo, indídimba do pii!

Maono 8:7

Njelo ntandi andyómba lipalapanda kutwala imbula yadinyanga na moto wanganikéne na myadi kujalegwa mushilambo. Imbandi yantatu yashilambo, imbandi yantatu yamilandi na uti udani umbii, vindítikinyuka.

Maono 8:8

Njelo wambili andyómba lipalapanda kutwala shinu shakuva mwalishinga likumene likaléla moto kujalegwa mwimanga, imbandi yantatu yaimanga kujalukanga kuva myadi,

Maono 8:9

imbandi yantatu yaviumbi vináma mwimanga vindípalanga na imbandi yantatu yadimeli indíbamalegwa.

Maono 9:10

Madalombwe alo, vankuvanavo mishila na divola kenga ving'ila kutwala mo mumishila vyave mo, kuvanavo madalaka akuvaananganga vanu muda wamyedi mwanu.

Maono 9:19

Madalaka avapunda avo avele ndikanywa na mmishila vyave mwaa mishila vyave vivele kenga dinyoka na kuvanavo myuti vyakubyaila.