Maono 12:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Napavedoni, kuwa ko puwanga pamo na mwenu múnama ako! Shipambale shilambo na imanga, Ndamoni aninshulukila mwenu na andishimwa poe namene; nae andimanya kenga wakati wake wo, ubakidile padyoko.”

Maono 12:12 ပူးပေါင်းရင်းမြစ်များ

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

Vabalaniya 10:37

mwaa kenga indyandikigwa, “Muwakati padyoko, aijá áida jo, andaida na ata hatimanga.

II Patulu 3:8

Mmakunagwaleka hamunalivalive shinu ashi: kumwe Umu liduva limo ni kenga vyaka alupu imo na vyaka alupu imo ni kenga liduva limo.

Maono 10:6

kutwala kulilapila kumwe aijá ánama ngwengwe ngwengwe, ákandyenge kuwa na uti vivéle ako, pai na uti vivéle amo, imanga na uti vivéle amo aashidoni, “Wakati wakutimatimanga undipita:

Maono 11:10

Vanu vanáma mushilambo shapai vandapuwanga kwamwaa wave, vandatenda shikukulu na vandajaulanila vibuku. Mwaa vakulava vovo vo, vandivaangaishanga namene vanu vanáma mushilambo shapai.

Maono 11:14

Apambale wambili andipita. Kanji mwe! Apambale wantatu ankwida shipajelo.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:6

Nkanywa mwake andítunduvanga kunkupulu Nnungu, kukupulu lina lyake, kukupulu yema yake na uti avalá vanáma kuwa.

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”

Maono 8:13

Akuno ngulola, níndigwa lidi lyashipungu áshuuluka kuniania apita atangola pashanya po aashidoni, “Vapambale, vapambale, vapambale vanu vanáma mushilambo shapai kwamwaa wamadi amapalapanda abakidíle avalota kwomba avalá vanjelo vatatu.”

Maono 9:12

Apambale ntandi andipita. Kanji mwe! Ling'oto lya ajo, vankwida vapambale vanji vavili.