Maono 11:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ vaashidoni, “Tunkukulambwalela Umu Nnungu Wadimongo-uti úpagwite na we upagwíte mwaa undilodya dimongo dyako ding'umene na unditunduvanga kutawala.

Maono 11:17 ပူးပေါင်းရင်းမြစ်များ

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

Lukashi 10:21

Muwakati wowo, Yesu andípuwanga namene kwaindila ya Imumu Wanashwe kutwala kushidoni, “Ninkukulambwalela Atata, Umu wakuwa na pai úpiidye vinu kwavanu vakumanya na vamang'amung'amu kutwala kuvalodya vanu vila. Ninkukulambwalela mwaa wako Atata utandalelé mwaulotalele.

Nshuwau 11:41

Bai vanavo vandyúsha lijanga lyo Yesu kunyanyula shilaka kutwala kushido, “Atata, ninkukulambwalela mwaa uningwigwilila.

II Vakolintu 2:14

Napanelo lilambwalalelo lipagwe kwa Nnungu átulangalalela wetu ngwengwe mumandamano akutema nkati mumwe Klistu na áandadya momo mo kwaindila yetu wetu lyumba lyakunung'angila lyakummanya nae mumautu uti.

II Vakolintu 9:15

Lilambwalalelo lipagwe kumwe Nnungu kwamwaa wainudyo yake íkaulukika kutadolya.

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 1:8

“Nangu ni Alupa na Omega,” atangola Umu Nnungu, “jojo ápagwite, e apagwíte na álota kwida, ni Wadimongo-uti.”

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 15:3

akuno vaimba lwimu lumwe Musha ntumika wake Nnungu na lwa Ngandolo: “Makango, vitendo vyako, vìkumene, Umu Nnungu Wadimongo-uti. Dindila dyaishaliya dyaumwiu, dyàko, Umu wavenentete.

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Maono 16:5

Napanelo ndímwigwa njelo áshaangaikangila medi aashidoni, “Wako ni waishaliya; wako Wakwilimyanga gwegwe úpagwite, we upagwíte, mwaa vinu avi uti undyukumu.

Maono 16:7

Napane ndígwa alutali luushidoni, “Elo Umu Nnungu Wadimongo-uti, ukumu yako ni yaumwiu na yaishaliya.”

Maono 18:8

Naivedoni muliduva limo tu, vinankodya vyaushanga avi: kupela, shipalodi na indala; andatikinyuka kwamoto mwaa Umu Nnungu áumidye ukumu ni wadimongo.”

Maono 19:11

Bai nindyóna kuwa kushimwike, mwe! Napane ndímwona punda wanashwe, aijá ánkwadile punda vashinshema Wakukulupilika na Waumwiu. Nae ankuukumu na kutenda ing'ondo kwaishaliya.

Maono 19:6

Namomo ndígwa lidi lyakuva kenga lyadimbumba dyavanu, lyakuva kenga libububu na lyakuva kenga shilindimu shading'uva liishidoni, “Aleluya! Mwaa Umu Nnungu wetu Wadimongo-uti, ankutawala.