Maono 11:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 11:15 ပူးပေါင်းရင်းမြစ်များ

Mateu 24:31

Muwakati wowo nae andavatumidya vanjelo vake vaditalumbeta dyakuma namene vauke vakavatwalange vakutandalegwa vake mudisemu nsheshe dyamushilambo kutunduvangila nkono unji wakuwa ndamalilila nkono unji.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Lukashi 1:33

Andavatawala venentete vake Yakobo muvyaka víkamalilika; utawala wake hauva na mwisho.”

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 15:6

Pawika kukaja kuvashema vabwadivake na vavagwe vavandikanengenavo kutwala kuvaulila doni, ‘Puwanga namu nangu mwaa ngandolo wangu e ajaíke, ndimwona.’

Vitendo 4:26

Vaumu vamushilambo vandinyanyamala vakutawala vandikadyanianga uti vampinge Umu, vampinge Wakupakigwa wake.’

Vabalaniya 1:8

Kanji kwaupande wa Mwana nae atédoni, “Shiteng'u shako Nnungu shindapagwa ngwengwe ngwengwe, ipimbo yautawala wako, yaishaliya.

Maono 10:7

napane mumaduva álota kwomba lipalapanda aijá njelo wasaba, undawikila popo nnugu washipii shake Nnungu kenga mwavavalangangidile vatumika vake, vo vakulava.”

Maono 12:10

Napane ndígwa kuwa ko lidi lyadimongo liishidoni, “Ambi apa kwambolegwa kundiwika, dimongo na utawala wa Nnungu wetu na madalaka amwe Klistu wake mwaa andijalegwa pai aijá nkúkashali wavanung'unumunu ávakashali shilo na mui pamevo pa Nnungu wetu.

Maono 15:4

Da nyani ákakujopa wako Umu? Na nyani ákaing'a lishangelo lina lyako? Mwaa wako gweka ni wakwilimyanga, venentete uti vandaida kwako ndalipudya, vitendo vyako vyaishaliya vindililodya ngala.”

Maono 16:17

Njelo wasaba andímimina ndamu kuniania kutwala kwigwinika lidi likumene líshaalakela pashiteng'u mwing'ande ya Nnungu liishidoni, “Tayali indiwikila popo!”

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 19:1

Vikapite vinu avyo, ndígwa kuwa shinu kenga lidi likumene lyadimbumba liishidoni, “Aleluya! Kwambwalegwa, lishangelo pamo na dimongo, dyake mwene Nnungu wetu,

Maono 19:6

Namomo ndígwa lidi lyakuva kenga lyadimbumba dyavanu, lyakuva kenga libububu na lyakuva kenga shilindimu shading'uva liishidoni, “Aleluya! Mwaa Umu Nnungu wetu Wadimongo-uti, ankutawala.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 8:12

Njelo wansheshe andyómba lipalapanda kutwala kuligwa imbandi yantatu yaliduva, yamwedi, yadinondo na mpaka imbandi yantatu yavinu avyo indídimba. Imbandi yantatu yamui na yashilo momo, indídimba do pii!

Maono 9:1

Njelo wamwanu andyómba lipalapanda kutwala nangu kwona inondo ikanywéke kuwa ìgwilidile pai. Inondo jo vandímupa mungulilo wannango wa ku Litavaleva.

Maono 9:13

Njelo wasita andyómba lipalapanda kutwala nangu kwigwa lidi lyakwaloka mmatununa nsheshe a alutali lwashaabu avé mwadimembe luvéle pamevo pake Nnungu.