Maono 1:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 1:9 ပူးပေါင်းရင်းမြစ်များ

Mateu 20:23

Yesu kushidoni, “Mwiu mwenu mundakumbila luwene lwangu kanji yakwikala kunkanakoko kwali kunshanda kwangu, ayo hainava shinu yakujava nangu. Vene mautu alo ni avalá vavapanganiangididye mwene Atata.”

Malukushi 10:39

Vanavo, “Elo, tunkuulula.” Yesu kushidoni, “Luwene lwangukumbila nangu, mundakumbila. Ubatisho wangupata nangu, mundapata

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Vitendo 1:15

Napanelo muwakati awo muliduva limo vandíkadyanianga vanung'unumunu vakuwikila kenga imiya imo na ishilini kutwala Patulu kutakatuka pakati pave kutangola doni,

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

Valoma 8:25

Napane pakuva tunkuvanavo lilindilililo lyashinu shatukona, tunkulindila na mweshe nkati muupole.

II Vakolintu 1:7

Napane lilindilililo lyetu kwenu mwenu lindinanopa mwaa tunkumanya do, kenga mo mwamuliinjidyangidya mwenu mumauvilo etu, namomo mundaliinjidyanga mukupambadyangigwa kwetu.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vapilipo 4:14

Ata ive davo, mwenu munditandedya wambone kwakuliinjidyanga mumauvilo angu.

II Vateshalonika 3:5

Napane Umu alangalele mitima vyenu vinanapele kulinagwaledyo lya Nnungu na kukulipililila kumwe Klistu.

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Maono 1:2

Nshuwau andivalanganga uti vyagwene mulilove lya Nnungu na ushuda umwe Yesu Klistu.

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Maono 11:7

Napanelo pavamalila ushuda wave, lidimu wakwalakela ku Litavaleva andavatenda ing'ondo kutwala kuvatema na kuvabyaa.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 12:17

Bai lijoka jo anínshimwidya nkongwe aijá akalinyemya kuka ndavatenda ing'ondo udukulu ubakidíle wankongwe yani avalá vaigwilíla malamulo a Nnungu na vakamulidíle ushuda wake Yesu.

Maono 13:10

Wavampangidile kutwaligwa mateka, mateka andatwaligwa. Wavampangidile kupela lyambila, lyambila andapela. Nadoni apa ni patakígwa kunanopa na kukulupila kwavakwilimyanga.

Maono 14:12

Apa ni patakígwa kunanopa kwavakwilimyanga, vashúnga malamulo ake Nnungu na likulupililo lyave nkati mumwe Yesu.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Maono 6:9

Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.