Maono 1:3 - Ibibiliya mu Shimakonde Imbodi Yaambi na dimbande dya Imbodi Yakala

³ Andyalaligwa aijá áshomya na vandyalaligwa avalá vaigwilíla malove amaono ala na kuvikila kuntima vinu uti vyandikíke; mwaa wakati undivandika.

Maono 1:3 ပူးပေါင်းရင်းမြစ်များ

Mateu 24:15

“Napanelo pamulota kwona shakudabukanga shiídanavo kubamola shávalangenge nkúlava Daniele shìimidile palyutu lyakwilimyanga, munu áshomya amanye mana ake.

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

Valoma 13:11

Tandedya vinu avi umanya wakati au do, isaa yakutakatuka wako mulwono indiwika mwaa kwambolegwa kwetu kuvelé pepi namene kupunda wakati aulá watuukile ndakulupila kunantandi.

Valoma 13:12

Shilo shindipita, mui undiwika. Napavedoni tulakele kunyenje ko vitendo vyakushii tutwale tugwalange dyuti dyalilangadyo.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

II Patulu 3:8

Mmakunagwaleka hamunalivalive shinu ashi: kumwe Umu liduva limo ni kenga vyaka alupu imo na vyaka alupu imo ni kenga liduva limo.

Maono 22:10

Kutwala kavili kushidoni, “Haunapiyapiyange malove amaono amulibuku ali mwaa wakati undivandika.

Maono 22:12

“Lola, ninkwida ambi popa! Dinudyo dyangu dyangwidanavo ndamupa kula munu kwodananavo shimadengo shake.

Maono 22:20

Aijá áumya ushuda wavinu avi ankushidoni, “Elo ninkwida ambi popa.” Ame. Ida Umu Yesu!

Maono 3:11

Ninkwida shipajelo! Kamulila ashilá shauvenavo kwambangidya hanatwale munu lidaka lyako.