Maono 1:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ munkanakono wake kunyukata dinondo saba, nkanywa mwake kuma lyambila lyakukola kuvili na ing'ope yake kuva yakushenga kenga liduva palivala na dimongo.

Maono 1:16 ပူးပေါင်းရင်းမြစ်များ

Mateu 17:2

Popo po, nae kujalukanga pamevo pave, ing'ope yake kushenga kenga liduva, dinguvo dyake kung'ala kenga lilangadyo.

Vitendo 26:13

Napanelo nguka, muwakati waliduva pamuti, Umu Agilipa, nangu liníngutang'anedya lilangadyo lyakwaloka kuwa, lyakushenga kupunda liduva kutwala kungutang'anedya pamo na vavangu vanguvénavo mushimwanda.

Vaepeshu 6:17

Twala shijulu shashitali shakwambola na lyambila lya Imumu lìvele lilove lya Nnungu.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Maono 1:20

Shipii shadinondo saba dyaugwene munkono wangu wakunkanakono na shipii shaditaa saba dyashaabu, mana ake ni ala: dinondo saba ni vanjelo vamaganisha saba na ditaa saba dyashaabu ni maganisha saba.

Maono 10:1

Napanelo ndímwona njelo junji wadimongo ashuluka kuwa. Njelo ajo lindímwinikidyanga lyundi, pamuti pake kupagwa yuvi. Ing'ope yake kushenga kenga liduva kutwala madodo ake kuva kenga mabodo amoto.

Maono 12:1

Napanelo kuwa kundyáneka shimanyikilo shakutikinikanga: nkongwe jumo àgwete liduva, mwedi ùvele mmadodo mwake na lidaka lyadinondo kumi na mbili lìvele mmuti mwake.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 19:21

Vanji uti vandíbyaigwa na lyambila limwe aijá ánkwadile punda, lyambila lyolyo lyumíle nkanywa mwake. Bai malembo uti vindívakamila vitumbo kwamwaa wadinyama dyave.

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,

Maono 2:12

“Njelo waliganisha lya ku Peligamu mwandikile, ‘Ala ni malove amwe aijá ávenavo lyambila lyakukola kuvili:

Maono 2:16

Napavedoni lijugulange! Ukanalijugulanga ndakwidila shipajelo ndavatenda ing'ondo vanu avo na alilá lyambila lyuma nkanywa mwangu.

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.