Malukushi 9:41 - Ibibiliya mu Shimakonde Imbodi Yaambi na dimbande dya Imbodi Yakala

⁴¹ Ninkumwaulila mwiu doni, aijá álota kumupa luwene lwamedi mukumbila palina lyangu nangu kwamwaa wakuva mwenu mmake Klistu, mwiko munu ajo hakatoka shinu kupata lidaka lyake.

Malukushi 9:41 ပူးပေါင်းရင်းမြစ်များ

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Malukushi 4:10

Napanelo Yesu àvele gweka yake, vakwoda pamo na avalá kumi na mbili vandímuudyangidya mana amikong'o avyo.

Valoma 14:15

Mwenu, ikava kenga unantaa shinyadinyadi nung'unumunu kwamwaa wa ashilá sháulya, bai shinamidyo shako hashinalangalalegwa shinu na linagwaledyo. Kwamwaa washakulya shako, haunambamole nung'unumunu wampalalele Klistu.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

I Vakolintu 15:23

Kanji kwakula munu na mwanda wake: Klistu kuva shepo shitandi, ling'oto kwatika vamwe Klistu mukwida kwake.

I Vakolintu 3:23

na mwenu po, mmamwe Klistu na Klistu jo, umwe Nnungu.

II Vakolintu 10:7

Mwenu mulola vinu kwapanda tu. Ikava kenga munu ankulikulupila jo mwene kuva umwe Klistu akumbukile kavili jo mwene shinu ashi: kenga mo mwavalalele nae umwe Klistu, nawetu momo tuvamwe Klistu.

Vagalata 3:29

Ikava kenga mwenu ni mmake Klistu, bai mmadukuluvake Abulaamu na kwaupande wakulivikila wo, mmakupata maleko ni mwenu.

Vagalata 5:24

Vamwe Klistu Yesu, shimunumunu shave vandikamela panshalaba pamo na ditamaa na malotelo ake.