Malukushi 9:32 - Ibibiliya mu Shimakonde Imbodi Yaambi na dimbande dya Imbodi Yakala

³² Vakwoda vake havashigwa shashamba vanavo vashindajopa kumudya.

Malukushi 9:32 ပူးပေါင်းရင်းမြစ်များ

Malukushi 16:14

Muwakati unji kavili Yesu kuvaumilila avalá kumi na moja uti vàikalenge valya. Nae kutwala kuvashulanga kwamwaa waungakulupila wave na kunanopa kwamitima mwaa vo vangwéne àdyukile, havavakulupidíle.

Malukushi 7:18

Nae kushidoni, “Da namwenu momo hamunamanya shinu? Da hamunamanya shinu kenga shinu shapanda shiinjíla mumili mwamunu hashuulula kuntaa ushapu?

Malukushi 8:33

Yesu pashiliwike kuvalola vakwoda vake, aníntangalela Patulu doni, “Tumuka mushu mwangu Shatwani! Wako haunakumbukila shinu mwakumbukilila Nnungu, ukumbukila mwavakumbukilila vanu.”

Malukushi 9:10

Bai vanavo vandípiyanga ing'ano ayo vaudyania shivenevene mana akudyuka aku pakati pavakupela.

Lukashi 18:34

Kanji vamyombe havashimwigwa shana shashamba, mana amalove alo andílipiya; havashimanya shashilota kwamba Yesu.

Lukashi 2:50

Kanji vanavo havashigwa shana shashivatangalela.

Lukashi 24:45

Bai andívaungula myuti pakulota vaigwe shana Maandiko

Lukashi 9:45

Kanji vakwoda vake avalá, havashimanya shashamba mwaa shindílipiya nadoni vanavo havaigwíte na vandíjopa kumuudyangidya shashamba.

Nshuwau 12:16

Kunantandi vakwoda vake havashimanya vinu avi, napane paukile ndapata Yesu lishangelo ni pavakumbukidile doni, vinu avi vindyandikigwa vimwamba nae na vyovyo vyo, vanintenda.

Nshuwau 16:19

Yesu andívamanya kenga vashilota kumudya, nae kutwala kuvaudya, “Da muudyania malove lo angutangwele doni, ‘Muwakati padyoko hamungwona; muwakati padyoko kavili, munangwona?’

Nshuwau 4:27

Bai muwakati wowo kutwala kuwika vakwoda vake. Vanavo vandíshanga namene kwamwaa wakumwona atangola na nkongwe kanji hapagwíte wakumudya doni, “Da ulambela nyamani?” kwali, “Mwaa shani unkutangola namu nae?”