Malukushi 9:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Lijini aju pashinu poepoe panankodya, anángwiidya pai, nkanywa mo kutuka shulu akuno akwishakwishanga meno na andájuma do, go. Ndivajugwa vakwoda vako pakulota vankumulange kanji vanavo vanintatakela.”

Malukushi 9:18 ပူးပေါင်းရင်းမြစ်များ

Mateu 15:22

Mwenu! Nkongwe jumo nkanaani waisemu ayo kumuukila akugwa pashanya po aashidoni, “Umu, mwanagwe Daudi, ngwanangila shididi! Mwanangu nkongwe anintawala lijini kupunda apo.”

Mateu 17:16

Nangu ndimwidanavo kwavakwoda vako, vanavo havamuulwile kumponia.”

Mateu 8:12

napane avalá vene utawala kujalegwa panda kushii. Kwanavo ko kundapagwa shililo na kutuka shulu nkanywa.”

Malukushi 11:23

Ninkumwaulila mwiu kenga munu woewoe átangalela lishinga ali doni, ‘Bubuka apa uke ukalijele mwimanga,’ atangola bila kwambambidyanga muntima mwake, akulupila kenga vyatangwele vindátandeka, vindatandakela mo mwatangaladile.

Malukushi 9:17

Munu jumo mwimbumba mo patwete kulijang'ulidya kushidoni, “Mwalimu, ndimwidanavo mwanangu kwako wako, nae ankuvanavo lijini ántaa ububu.

Malukushi 9:19

Yesu do, “Shasho! Mwenu mmanu mmaimbula íkakulupila! Da nangu ndapagwa namu mwenu mpaka duvani? Nannaga mwenu mpaka duvani? Bai pane mwidenavo akuno ndyoko jo!”

Malukushi 9:20

Vanavo kumwidanavo. Napanelo lijini po pangwene Yesu aníntainneu shalala ndyoko jo, ndyoko kugwa kunneka agalagata pai na atuka shulu nkanywa.

Malukushi 9:26

Lijini akuno akuta kungwiya ndyoko jo na dimongo kuma kunneka ndyoko àlele kenga andipela mpaka kuvatadya vanu kushidoni, “Alo, andipela!”

Vitendo 7:54

Bai avalá vanang'olo vapanguguvale vakaigwe davo shindívalipuka shitundi mmitima mwave kutwala kushimwa mpaka kutuka shulu.

Yudashi 1:13

vankuva kenga mawimbi akujowa amwimanga, vitendo vyave vyadoni ni shulu shakunyata; namomo vankuva kenga dinondo diwanawananga díkave lyutu; kwavanavo vandivakandyedya ngwengwe lyutu lyakudimba do, pii.