Malukushi 8:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Bai nae kushema imbumba yavanu pamo na vakwoda vake kuvaulila kushidoni, “Munu akalota kungwoda nangu, alishukulu jo mwene anyukate nshalaba wake angwode.

Malukushi 8:34 ပူးပေါင်းရင်းမြစ်များ

Mateu 10:38

Munu ákalitika nshalaba wake kungwoda nangu, kwangu nangu havaikidile.

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Mateu 27:32

Napanelo pavashuma nkaja mo vanínkodya munu jumo wa ku Shilene walina Simoni, vanavo kutwala kumuungila alitike nshalaba umwe Yesu.

Malukushi 10:21

Yesu pannadile aninnagwaledya kutwala kushidoni, “Shindikubakila shinu shimo. Uti vyauvenavo wena ukashulushe, njuluku wo uvape vákave pashinu. Undavanavo libadila kuwa; ling'oto, ida ungwode.”

Malukushi 7:14

Napanelo Yesu andíshema kavili imbumba yavanu kutwala kushidoni, “Mwenu uti ngwigwilila na ngwigwa shana.

Lukashi 13:24

“Likanyilidye kwambangidya mwinjilile pannango udikidiki mwaa ninkumwaulila doni, vanu voe vandalota vainjile kanji havaulula.

Lukashi 14:33

Napavedoni munu woewoe pakati penu ákalota kuleka vinu vyavenavo uti, hava shinu nkwóda wangu.

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 20:45

Akuno venentete vamwigwilila, Yesu andívaulila vakwoda vake kushidoni,

Lukashi 9:23

Namomo andívaulila vanu uti doni, “Munu akalota kungwoda nangu, alishukulu; kula liduva anyukate nshalaba wake angwode.

Nshuwau 10:27

Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

Nshuwau 19:17

Nae ànyukete nshalaba wake, andyúma kuka pashinu pavashema Lyutu lya Shivanga, alilá lishaméka mushibalaniya Gologota.

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Valoma 6:6

tumanya kenga umunu wetu wakala undipambililigwa pamo namu nae pakulota dashi, mili walidambi utimbikange kwambangidya hatunatandegwe kavili vatumwa validambi

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

I Vakolintu 15:31

Kula liduva ninkupela! Mmanung'unumunu, ninkutangola avi kwakulyona kwangu kwenu mwenu kwanguvenavo nkati mumwe Klistu Yesu Umu wetu.

I Vakolintu 8:13

Napavedoni, ikava kenga shakulya shinkuntadya nung'unumunu kulikuvala, mwiko hangumamena inyama kwambangidya hangunantadye nung'unumunu kulikuvala.

I Vakolintu 9:19

Mwenu, pakuva nguvelé muunaiti kwavanu uti, ndilitenda nintumwa kwavanu uti pakulota ndivapate voe.

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Vagalata 5:24

Vamwe Klistu Yesu, shimunumunu shave vandikamela panshalaba pamo na ditamaa na malotelo ake.

Vagalata 6:14

Nangu mwiko hangunalishibangile paikava kwanshalaba umwe Umu wetu Yesu Klistu mwaa kwaindila yanshalaba wo, shilambo shindikamalalegwa kwangu nangu na nangu ndikamalalegwa kwaupande washilambo.

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake

Vapilipo 3:7

Kanji napane ashilá shíshiva paida kwangu, ninkwona kuva shakujaika kwamwaa umwe Klistu.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

II Vateshalonika 3:11

Mwenu, tundigwa kenga vanji pakati penu vankunama shinamidyo shauwondo; havanakola shinu madengo ila vankulijalanianga muvinu vyavanu vene.

Titu 2:12

utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

Vabalaniya 13:13

Napavedoni, leka tumuukile po panda likambi po, tulipililila dyoni dyake dyalipililidile nae.

I Patulu 4:1

Napavedoni pakuva Klistu andipata mauvilo mushimunu, namwenu momo lingangashele mumakumbukililo lolo mwaa aijá áuvauvenge nkati mushimunu, nae andyapukananga na lidambi.

I Patulu 4:13

Kanji puwangila shipimo shamauvilo shamuliinjidyanga pamo namu Klistu kwambangidya palilota kuunukuligwa lishangelo lyake, namwenu momo mulitamange na mupuwange.

II Patulu 1:14

mwaa ndimanya doni, kwashipajelo nangu ndajaa yema ai kwodananavo amulá mwanguunukulidile Umu wetu Yesu Klistu.

I Nshuwau 3:16

Mwatumanyidile linagwaledyo ni amu: Yesu Klistu andijaula shingumi shake kwamwaa wetu wetu na wetu leka tujaule shingumi shetu kwamwaa wavanung'unumunu.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.