Malukushi 8:2 - Ibibiliya mu Shimakonde Imbodi Yaambi na dimbande dya Imbodi Yakala

² “Vanu ava ninkuvaanangila shididi mwaa vankutwala maduva matatu vavelé namu nangu na havave shakulya.

Malukushi 8:2 ပူးပေါင်းရင်းမြစ်များ

Mateu 14:14

Yesu akashuluka mwingalava, nae kwona dimbumba dyavanu adilá, kwanangila shididi kutwala kuvaponia valwele uti pakati pave.

Mateu 20:34

Yesu kuvaanangila shididi, kuvakwaa mevo ave, muwakati wowo vanavo kulalenneu kutwala kumwoda.

Mateu 9:36

Nae akone dimbumba kwadimbumba dyavanu andyánangila shididi mwaa wakuvona kudabadabanga na kujaikanga kenga dingandolo díkave nkúshunga.

Malukushi 1:41

Nae andímwanangila shididi shoe namene na andínyalodya nkono wake kutwala kunkwaa kumwaulila doni, “Elo ndilota, takata!”

Malukushi 5:19

Yesu kwita kumwaulila doni, “Wena kukaja mpaka kwavakwenu; koko ko, vavalangangile vinu uti vyakutandalele Umu na mwakwanangilidile shididi.”

Malukushi 6:32

Vanavo kwinjilanga mwingalava gweka yave kuka kushimbweshe.

Malukushi 6:34

Yesu pashulwike mwingalava, kwona imbumba yavanu nae kwanangila shididi mwaa ishiva kenga imbumba yadingandolo díkavenavo nkúshunga kutwala kutunduvanga kuvapundisha vinu vyoe.

Malukushi 8:3

Napavedoni ndikavaulila vaukanange kuding'ande kwave vàdobile indala, inkuululika kudilikanga shing'ati indila mwaa vanji vo vaaleke kushu.”

Malukushi 9:22

Nomomo myanda vyoe anánjela pamoto na mmedi alota ammyae. Napanelo ukaulula kutenda shinu shoeshoe, twanangila shididi, tupwashela!”

Lukashi 15:20

“Nae kutakatuka kuujila kwatatake. Akanava kuwika paing'ande àvele mwakushu padyoko, tatake kumwona. Akamwone, tatamunu andímwanangila shididi kutwala kutukuta kuka ndamwambatila.

Lukashi 7:13

Umu akamwone namwili jo andímwanangila shididi kutwala kushidoni, “Haunalile.”

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

Vabalaniya 5:2

Nae ankuulula kuvatanana vákave limanyilo na vaashalánga kwaupole pakuva jo mwene nanae momo avé mwina muungalyulula.