Malukushi 8:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napanelo nae pavalakile, andíkwela mwingalava kuka litanda nkono unji.

Malukushi 8:13 ပူးပေါင်းရင်းမြစ်များ

Mateu 15:14

Valeke, vanavo ni vananagalaledi vakuputala mevo vavalangalaléla vakuputalamwave. Munu wakuputala akannangalalela wakuputalamwagwe, vanu avo uti vandagwilangila mulipondo.”

Mateu 7:6

“Hamunavape vang'avanga vinu vyakwilimyanga na ata hamunavape vanguluve majanga amali. Vovo vo vankuulula kuluvatanga kutwala kumuujila mwemwe mmene kunshapwalanga.

Malukushi 8:12

Nae akaisha ntima namene kutwala kushidoni, “Mwaa shani vanu vaimbula ai vangujugwa shimanyikilo? Ninkumwaulila mwiu doni, vanu vaimbula ai havalodya munu shimanyikilo shoeshoe.”

Malukushi 8:14

Vakwoda vake vandílivaliva kunyukata magung'u, mwingalava mo vavénavo ali, limo bai.

Lukashi 8:37

Kutwala vanu uti vashilambo sha ku Gelasha sho kunjugwa Yesu avanyeme mwaa vashindajopa namene. Bai Yesu kwinjila mwingalava pakulota auje.

Nshuwau 12:36

Po pauvenavo lilangadyo apa, kulupila lyo lilangadyo lyo pakulota muve mmana mmalilangadyo.” Yesu akamalile kutangola, andyúma kutwala kuvativaniva.

Nshuwau 8:21

Napanelo Yesu andítangola mumwanda wambili aashidoni, “Nangu ninkulyumadyanga, mwenu munangulambela kanji mundapalanga mumadambi enu. Kwanguka nangu apa mwenu po hamuulula kwida.”

Vitendo 18:6

Kanji vanavo vakampinge na vakamwabalange, Paulu andípumunanga dinguvo dyake kutwala kushidoni, “Myadi vyenu vipagwe pamuti penu! Nangu hanguve likosha kwenu mwenu. Kutunduvangila ambi apa, mwanda kwavamidi.”

Vitendo 27:2

Bai wetu tundíkwela mwingalava ya pa Adalamitiu ivéle tayali yuke kuviko vya ku Ashiya. Mushimwanda shosho tundípagwanavo Alishitaliku munu wa ku Teshalonika ya ku Makedoniya.