Malukushi 6:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Yesu pashulwike mwingalava, kwona imbumba yavanu nae kwanangila shididi mwaa ishiva kenga imbumba yadingandolo díkavenavo nkúshunga kutwala kutunduvanga kuvapundisha vinu vyoe.

Malukushi 6:34 ပူးပေါင်းရင်းမြစ်များ

Mateu 14:14

Yesu akashuluka mwingalava, nae kwona dimbumba dyavanu adilá, kwanangila shididi kutwala kuvaponia valwele uti pakati pave.

Mateu 15:32

Yesu akavashema vakwoda vake kuvaulila, “Nangu ninkuvaanangila shididi vanu ava mwaa ankupita maduva matatu vàvele namu nangu na vovo vo havavé shakulya. Nadoni kulailananganavo vàdobile indala, hangutamwa ngwonadavo vandadilikanga ndila.”

Mateu 9:36

Nae akone dimbumba kwadimbumba dyavanu andyánangila shididi mwaa wakuvona kudabadabanga na kujaikanga kenga dingandolo díkave nkúshunga.

Malukushi 6:33

Napanelo vanu voe vakavona vauma na vamanya kwavashuka, vanu vakwalakela mminjini uti kutukuta namadodo kulitandya vanavo kuwika.

Malukushi 6:35

Liduva napanelo liinjila mmamba, vakwoda vake vanímmandika kutwala kumwaulila doni, “Pashinu apa panalugwangwa vila na wakati wo undipita.

Malukushi 8:1

Napanelo mumaduva lolo lo, imbumba yavanu yùmbalanidile kavili na paikavanavo shakulya, Yesu kuvashema vakwoda vake kuvaulila doni,

Malukushi 8:2

“Vanu ava ninkuvaanangila shididi mwaa vankutwala maduva matatu vavelé namu nangu na havave shakulya.

Lukashi 9:11

Kanji imbumba yavanu ikammanye mwawanalele, indímwoda. Nae kuvapwashalela kutwala kutangonavo ing'ano yautawala wa Nnungu na kuvaponia vilwele vanu váshibidi kuvaponia.

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.