Malukushi 5:22 - Ibibiliya mu Shimakonde Imbodi Yaambi na dimbande dya Imbodi Yakala

²² Mwenu! Kuwika apalá nanangalaledi washitala shakulipudidya walina Yailu. Nae pamwene Yesu andínguguvalila mmadodo mwake

Malukushi 5:22 ပူးပေါင်းရင်းမြစ်များ

Mateu 2:11

Pavainjilenge nng'ande vandímwona nunu jo pamo na jujumunu Maliya, vanavo kunguguvalila kulipudya kutwala kuutukulanga vituvi vyave kumupa dinudyo adi: shaabu, ubani na mila.

Malukushi 5:33

Nkongwe jo àmanyite ashilá shintandéke akuno ajopa na atatamela, anímmandika Yesu kuguguvala mushu mwake kutwala kummalangangila umwiu uti.

Malukushi 5:38

Pawikile paing'ande kwona shijungulima shavanu na kuvona vanu valila namene na vatangadikanga.

Lukashi 13:14

Nanangalaledi wamushitala ashanga mwaa wakuponia Yesu muliduva lyakupumula, nae andyáulila imbumba yavanu kushidoni, “Apali maduva sita avaikidíle kukola madengo; mumaduva lolo lo, idananga vamponie kanji muliduva lyakupumula ali, um, mene.”

Lukashi 5:8

Simoni Patulu akone davo andyúka ndakola maulu kumwe Yesu aashidoni, “Nang'olo wangu, ngunyema; nangu ni nimunu wakutega.”

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

Vitendo 13:15

Vakainuke kushomya Lilamulo na Vakulava, vananangalaledi vashitala shakulipudidya vandítuma vavajugwe doni, “Mmanung'unumunu, likapagwa lilove lyakuvanonowanga venentete, tangola.”

Vitendo 18:17

Bai vanavo vanínkamula Shoshiteni nanangalaledi wapashitala shakulipudidya kunkoma, Galyu amwona kanji Galyu hashitanana ata padyoko.

Vitendo 18:8

Napane Klishipu nanangalaledi wapashitala shakulipudidya anínkulupila Umu pamo na vanu uti vapaing'ande pake. Namomo vakolintu voe vakaigwe vyashitangola, vandíkulupila na vandípata ubatisho.

Maono 22:8

Nangu Nshuwau ningugwene na kwigwa vinu avi. Ling'oto lyakwigwa na kwona, ndíguguvala mmadodo mwake aijá njelo áshingulodya vinu avyo ngulota ngulipudye kwake.