Malukushi 4:38 - Ibibiliya mu Shimakonde Imbodi Yaambi na dimbande dya Imbodi Yakala

³⁸ Yesu avele kunyuma ingalava andílala lwono àijamidile litandiko lyakumuti. Bai vanavo kumwimulanga kutwala kushidoni, “Mwalimu, da kupela aku kwatupalanga tuvanu, haunajugulanga shinu?”

Malukushi 4:38 ပူးပေါင်းရင်းမြစ်များ

Mateu 22:16

Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Mateu 8:25

Vakwoda vake kumuukila ndamwimulanga vaashidoni, “Nang'olo tuposha, wetu kupela aku!”

Malukushi 4:37

Bai mo mulitanda ni kulipuka shimbunga, napanelo mawimbi ankwinjila mwingalava na medi mwingalava mo kuumbala.

Malukushi 4:39

Nae akatakatuka kushulanga shimbunga na kutangalela litanda lyo kushidoni, “Limaladye! Haunapikitange!” Imepo kumalala kutwala pashinu po kumalalika do, kimyaa!

Lukashi 8:24

Vanavo kumwimulanga Yesu, “Mwalimu, mwalimu! Wetu po kupela!” Nae kutakatuka, kutangalela shimbunga pamo na mawimbi akujowa alalá; bai shimbunga pamo na mawimbi kulimaladya kutwala kuva shana.

Nshuwau 4:6

Popo po shindípagwa shima shimwe Yakobo. Napanelo kwodamwaa Yesu andídabadabanga na shimwanda, andíikala pepi na pashima asho. Wakati wene uvele waliduva pamuti.

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

I Patulu 5:7

munjalela nae mangaikangilo enu uti mwaa nae ankumwangaikangila mwenu.