Malukushi 4:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Imbeju kugwilila nanyenje indila, vankuva vanu vapwashaléla lilove lipandígwa; vanavo muwakati wowo wavaigwa lilove, Shatwani kwidinneu ndaukula lilove lyavapandile mmitima myave.

Malukushi 4:15 ပူးပေါင်းရင်းမြစ်များ

Mateu 13:19

Munu akaigwilila lilove lyámba utawala, akanaigwa shana, andáaloka nkalau kumpokenneu lilove lyavapandile muntima mwake. Aju ni imbeju igwilidíle nanyenje indila.

Mateu 22:5

Vanavo mene kutanana kutwa myanda kuka, jumo kundila kwake, junji kumipango vyake.

Mateu 4:10

Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Malukushi 4:14

Bai nkúlima, apanda lilove lya Nnungu.

Malukushi 4:16

Namomo imbeju kugwilila paulongo wapashanya lijanga lyakulitandika, vankuva vanu vaigwilíla lilove lya Nnungu kutwala kupwashalalenneu na lipuwilo

Malukushi 4:4

Pashimwadilila, kupagwa igwilidile nanyenje indila kutwala vyuni kwida ndadadalanga.

Lukashi 8:12

igwilidíle ndila ailá inkwitika kuva vanu vaigwilíla lilove lya Nnungu kutwala Ndamoni kwida ndausha lilove alyo mmitima mwave pakulota havanakulupile na havanambwalegwe.

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

II Vakolintu 2:11

kwambangidya dashi, Shatwani hanatupate kwaujanja wake mwaa hatunatikinanga shinu milugu vyake.

II Vateshalonika 2:9

Kwida kumwe waungave-lilamulo kulota kwodananavo shimadengo shimwe Shatwani kwadimongo uti, vimanyikilo na vyakutikinikanga vyaushwang'a

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

Vabalaniya 2:1

Napavedoni indituvaikila tukamulile namene na dimongo uti avilá vyatwigwite kwambangidya hatunaashalange.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 20:7

Pavilota kumalilika avilá vyaka alupu imo, Shatwani andaunguligwa mushipungu shake