Malukushi 3:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Akavalole vanu uti vantang'anadídye avalá kwashitundi akuno àvenavo shipalodi shoe kwamwaa wakunanopa mitima vyave, nae kumwaulila munu jo doni, “Nyalodya nkono wako!” Nae kunyalodya kutwala nkono kuujila kuva ungumi.

Malukushi 3:5 ပူးပေါင်းရင်းမြစ်များ

Mateu 12:13

Nae kutwala kumwaulila munu jo kushidoni, “Nyalodya nkono wako wo!” Nae kunyalodya kutwala nkono wo kupona kuva kenga mo mwauvalalele unji.

Malukushi 3:4

Kutwala kuvaudya kushidoni, “Da muliduva lyakupumula lilamulo linkutuleka tutandedye vyambone kwali vyakunyata? Kuposha shingumi kwali kumalidya?” Vanavo kumalalanga do, vii!

Lukashi 13:15

Umu kutwala kushidoni, “Mmanu mmashinankulaba mwe! Apali munu pakati penu ákananshimulila ng'ombe wake kwali punda wake muliduva lyakupumula kuka nankumbidya medi?

Lukashi 17:14

Yesu akavone, andívaulila doni, “Wenananga mukalilodye kwavakulangalalela-shadaka.” Bai vanavo vauka, mili vyave vyo, kutakata.

Lukashi 6:10

Andívalola vanu uti vantang'anadídye avalá kutwala kumwaulila kushidoni, “Nyalodya nkono wako!” Nae kutandela momo, nkono kuva kenga patandi.

Nshuwau 9:7

kutwala kumwaulila doni, “Wena ukanavange medi kulitangi lya Shilowamu,” Shilowamu mana ake wakutumigwa. Bai munu wakuputala mevo aijá andyúka ndanavanga medi kutwala kuja alola.

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

II Vakolintu 3:14

Kanji ding'anong'ano dyave dindinanapegwa mwaa ata mpaka nelo inguvo yoyo inkupagwa paishomegwa imbodi yakala. Yanavo indáushika bai nkati mumwe Klistu.

Vaepeshu 4:18

Vanavo muding'anong'ano dyave vankupagwa mushii vavikigwa panda mushingumi sha Nnungu kwamwaa waungamanya upagwíte kwavanavo walakéla nkati mukunanopa kwamitima vyave.

Vaepeshu 4:26

Shimwa na hamunatege. Hamunaleke liduva lidimba mushimwidye

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Vabalaniya 3:10

Napavedoni ndíshimwa kwamwaa wavanu vaimbula ayo kutwala kushidoni, ‘Mitima vyave ngwengwe vinkuka vyashalanga, vanavo havanamanya shinu dindila dyangu.’

Vabalaniya 3:17

Da vakwashi vavavikidile Nnungu shitundi muvyaka alubaini? Da havanava shinu avalá vatagíle kutwala mili vyave kushikigwa kushimbweshe?

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Maono 6:16

vatangalela mashinga na majanga kushidoni, “Tubulikidya utupiye kwambangidya hatunone ing'ope imwe aijá áikele pashiteng'u namomo utupiye mushitundi shake Ngandolo.