Malukushi 2:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Bai nae kutakatuka kutwala ligadolo lyake kuma vanu uti vamwona kutwala vovo vo kushanga na kumupa lishangelo Nnungu vaashidoni, “Wetu shinu ashi, mwiko hatunava kwona.”

Malukushi 2:12 ပူးပေါင်းရင်းမြစ်များ

Mateu 12:23

Imbumba uti yavanu indishanga iishidoni, “Da aju, ava jo mwanagwe Daudi?”

Mateu 15:31

Dimbumba dyavanu dikavone vabubu vatangola vakulamala vapona vakukwava vawena na vakuputala mevo valola, dyanavo dindímupa lishangelo Nnungu umwe Ishilaeli.

Mateu 9:33

Pavakumulenge lijini lyo, bubu jo kutangolenneu. Dimbumba dyavanu dindíshanga kutwala kushidoni, “Shitendo kenga ashi hashinava kwaneka akuno ku Ishilaeli!”

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Malukushi 1:27

Vanu uti ni kushanga doni na kutunduvanga kuudyania vaashidoni, “Da shinu ashi nyamani? Mapundisho aambi! Mapundisho avénavo madalaka! Mpaka nae ata majini mashapu ankulamulilila kutwala anavo kumwigwilila.”

Malukushi 2:11

“Ninkukwaulila wako apa doni, takatuka, twala ligadolo lyako na wena kwing'ande kwako.”

Lukashi 13:13

Anímmikila makono, nkongwe jo kuudukinneu kutwala kumupa lishangelo Nnungu.

Lukashi 17:15

Napanelo munu jumo pakati pave akalyone mili wake kutakata, andyúja atangola pashanya po amupa lishangelo Nnungu.

Lukashi 5:26

Bai vanu ni kushanga doni, vandímupa lishangelo Nnungu na kundívaida kujopa kutwala kushidoni, “Nelo tundyona vyamakango.”

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Nshuwau 7:31

Ata ivé davo, vanu voe pakati paimbumba vanínkulupila vaashidoni, “Da na Klistu palota kwida po, andalodya vimanyikilo vinji vyakupunda vyatenda aju avi?”

Nshuwau 9:32

Tangu kunantandi hainava kwigwinika do, munu woewoe anintadya kulola wakuputala mevo shing'ang'eng'e.

Vitendo 4:21

Nadoni vakavatishange kavili vandívaleka, havapatíle indila yakuvapela shaushanga kwamwaa wavenentete mwaa uti vashindamupa lishangelo Nnungu kwamwaa washitendo asho.