Malukushi 16:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Malukushi 16:19 ပူးပေါင်းရင်းမြစ်များ

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vabalaniya 8:1

Mwenu, shikumene shatwambangila mwaa apa ni ashi, tunkuvanavo nkúlangalalela-shadaka nkumene kenga aju jo áikele kunkanakono washiteng'u shimwe aijá Wakujowa walishangelo, kuwa

Vakoloshu 3:1

Napavedoni ikava kenga mundidyuka namu Klistu, bai lambela vinu vivéle kuwa kwaikele Klistu kunkanakono kwake Nnungu.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Vabalaniya 6:20

ko kwaukile Yesu kenga nashilangola, andiinjila yetu wetu atandegwa kuva nkúlangalalela-shadaka nkumene ngwengwe kwodananavo aulá upangaji umwe Malikishadeki.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Nshuwau 6:62

Ilota kuva dashi mukamwona Mwana Wamunu akwela auka kulyutu lyavéle patandi?

Lukashi 9:51

Napanelo Yesu maduva ake akupwashalalegwa kuwa akavandikange, andyámuwa kumalidya mwanda kuka ku Yelusalemu.

Vabalaniya 9:24

Mwaa Klistu hainjidile Lyutu Lyakwilimyanga-uti lyavakandyenge vanu lìvele lilodyo vila lya alilá liu; nae andiinjila akulá kuwa kwene-kwene, nadoni ambi apa ankupagwa pamevo pake Nnungu yetu wetu.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vitendo 3:21

Jo Yesu jo inimmaikila apagwe kuwa mpaka muwakati ulóta kukandyangigwa vinu uti, wakati wowo wavalangenge Nnungu tangu kala kwaindila yavakulava vakwilimyanga.

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Nshuwau 21:15

Vakamalile kulya, Yesu andímudya Simoni Patulu, “Simoni mwanagwe Nshuwau, da wako unkungunagwaledya namene kuvapunda ava?” Nae doni, “Elo Umu, wako unkumanya kenga ninkukunagwaledya.” Yesu kushidoni, “Valishe vangandolo vangu.”

Nshuwau 17:13

“Napanelo ambi apa ninkwida kwako; vinu avi ninkutangola ngùvele mushilambo pakulota mmitima myave lyumbale likulupililo lyangu.

Nshuwau 16:28

Nangu ngwaleké kumwe Atata kutwala kwida mushilambo shapai, napane ninkuma mushilambo amu kuujila kumwe Atata.”

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Malukushi 16:20

Bai vakwoda vake vandyúmananga kuka vavalanganga ntenga wambone mumautu uti, Umu avapwashela na alodya ntenga awo kuva wiu kwamwaa wavimanyikilo víshoodana na ntenga awo.]

Lukashi 22:69

Kanji kutunduvangila ambi apa Mwana Wamunu andaikala kunkanakono kwake Nnungu Wadimongo-uti.”

Vitendo 1:22

kutunduvangila paubatisho umwe Nshuwau mpaka muliduva lyavantandwile Umu Yesu pakati petu kuka kuwa, jumo pakati pavalume avo ave nshudamwetu wakudyuka kwake Yesu.”