Malukushi 16:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Avalá valota kukulupila vandavanavo vimanyikilo avi: kwamwaa wangu nangu vandakumulanga majini, vandatangola dinangodi dyaambi,

Malukushi 16:17 ပူးပေါင်းရင်းမြစ်များ

Malukushi 9:38

Napanelo Nshuwau andítangola kushidoni, “Mwalimu, tungwené munu akumulanga majini palina lyako, wetu kunneya mwaa nae hashitwoda wetu.”

Lukashi 10:17

Bai avalá sabini vandyúja na lipuwilo vaashidoni, “Nang'olo, palina lyako majini ni kutwishimu doni.”

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Vitendo 10:46

mwaa vanavo vashindavaigwa vamidi avalá vatangola dinangodi dyakutikinikanga na vantumbyanga Nnungu. Patulu kutwala kushidoni,

Vitendo 16:18

Malove ala nae andítangola mumaduva oe kutwala kumwisho kwake Paulu kunnyatila; akashiliuka kumwaulila lijini jo doni, “Palina limwe Yesu Klistu ninkukulamulila, kuma mumili mwamwali aju!” Lijini kuuminneu.

Vitendo 19:6

Paulu akavavikile makono, andívashulukila Imumu Wanashwe na muwakati wowo vandítunduvanga kutangola dinangodi dyakutikinikanga na kulava.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 5:16

Na ata dimbumba dyavanu dyakwaloka mumakaja ashitanono, vashindaumbalanila pa Yelusalemu na valwelwe vave pamo na vanu váshuuvauvanga na majini mashapu uti vashindapona.

Vitendo 8:7

mwaa vanu vavénavo majini mashapu, anavo ashindauma mumili mwave akuta namene na vakudidimanga madodo pamo na vakukwava vashindapona.

I Vakolintu 12:10

junji kutandedya vyamakango, junji kulava, junji kupambula dimumu, junji dinangodi dyakuvilingananga na junji kuvalangangila dinangodi.

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

I Vakolintu 12:30

Da ni uti vavénavo vyajo vyakuponia? Ni uti vatangóla dinangodi? Ni uti vavalangangíla?

I Vakolintu 13:1

Ndikatangola shitangodi shavanu na shavanjelo kanji ndikanavanavo linagwaledyo, ninkuva shitali shúma kwali shombo shinyakónya.

I Vakolintu 14:2

Mwaa aijá átangola inangodi yaambi, ajo ankutangola i na vanu kanji namu Nnungu. Doni, malove alo hapali ámanya; nae ankutangola nkati mwimumu vinu vilipiídye.