Malukushi 16:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Aijá álota kukulupila na kubatishwa, andaambwalegwa kanji ákakulupila, andaukumigwa.

Malukushi 16:16 ပူးပေါင်းရင်းမြစ်များ

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Malukushi 1:15

aashidoni, “Undiwika wakati, utawala wa Nnungu undivandika nadoni lijugulange madambi enu na kulupila ntenga wambone wa Nnungu.”

Lukashi 8:12

igwilidíle ndila ailá inkwitika kuva vanu vaigwilíla lilove lya Nnungu kutwala Ndamoni kwida ndausha lilove alyo mmitima mwave pakulota havanakulupile na havanambwalegwe.

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:29

Yesu akavajang'ula kushidoni, “Shimadengo shalota Nnungu munkalele ni kunkulupila aijá wantumididye.”

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 8:24

Ni ashi shitadídye nimwaulile kenga mundapalanga mumadambi enu. Mwaa mukanakulupila kenga Nangu ni Nene, mundapalanga mumadambi enu.”

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Vitendo 13:39

kwaindila yake nae kula munu ákulupila, ankuvalangiligwa ishaliya.

Vitendo 13:46

Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 22:16

Napanelo ulinda nyamani kavili? Takatuka upate ubatisho, madambi ako alivalivigwe utambulanga lina lyake.’

Valoma 3:6

Ata padyoko vela! Leka ìvele davo, Nnungu akaulwile dashi kuukumu shilambo?

Valoma 4:24

kanji ata kwaupande wetu wetu momo. Vandatuvalangilila wetu túnkulupila aijá ándyuwidye pakati pavakupela, Yesu Umu wetu.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

II Vateshalonika 2:12

kwambangidya vaukumigwe uti avalá vákakulupila umwiu kanji vapuwangila ungave-shaliya.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”