Malukushi 16:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Muwakati unji kavili Yesu kuvaumilila avalá kumi na moja uti vàikalenge valya. Nae kutwala kuvashulanga kwamwaa waungakulupila wave na kunanopa kwamitima mwaa vo vangwéne àdyukile, havavakulupidíle.

Malukushi 16:14 ပူးပေါင်းရင်းမြစ်များ

Mateu 11:20

Yesu napane kutwala kutunduvanga kutangadikanga minjini vyatandile makango oe mwaa havalotíle kulijugulanga,

Mateu 17:20

Nae kushidoni, “Ni kwamwaa walikulupililo lyenu lidikidiki. Ninkumwaulila mwiu doni, mukavanavo likulupililo kenga imbeju yanshupi mundalamulila lishinga ali do, ‘Tumuka apa wena apalá,’ lyanavo kuka. Hashipali shilóta kunkamadyangidya.”

Mateu 28:17

Vanavo vakamwone, vandílipudya ila vanji pakati pave po, vashindamwambambidya.

Malukushi 7:18

Nae kushidoni, “Da namwenu momo hamunamanya shinu? Da hamunamanya shinu kenga shinu shapanda shiinjíla mumili mwamunu hashuulula kuntaa ushapu?

Lukashi 24:11

Bai vanavo malove avavalangenge vakongwe havakulupidíle vagwene kuva akudidimanga.

Lukashi 24:25

Napanelo Yesu kushidoni, “Shasho! Mwenu mmajinga namene na mmakukakova mmitima pakulota kukulupila uti vyavatangwele vakulava!

Nshuwau 20:25

Vavagwe kutwala kumwaulila doni, “Tundimwona Umu!” Kanji nae kushidoni, “Nangu ndikanona makwanda amishumali mmakono mwake, ndikanajela shala shangu pavankamadile mishumali na ndikanajela lyanda lyangu mulumbau, hangukulupila.”

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

Nshuwau 21:1

Vikapite avyo, Yesu andílilodya kavili kwavakwoda vake nanyenje litanda lya Tibeliyade. Kulilodya kwake ko kuvé doni,

Nshuwau 21:14

Au uvele mwanda wantatu avaumililila vakwoda vake ling'oto lyakudyuka pakati pavakupela.

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

I Vakolintu 15:5

doni, andimuumilila Kepashi ling'oto kuvaumilila vamyombe avalá kumi na mbili.

Maono 3:19

Nangu ndávaduma na kuvapa lipundisho uti avalá vandivanagwaledya. Napavedoni, avanavo ntukuta na lijugulange.