Malukushi 15:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Napanelo Maliya wa ku Magadalena pamo namu Maliya anyoke Yoshe vandyóna lyutu alyo lyavavikíle mili umwe Yesu.

Malukushi 15:47 ပူးပေါင်းရင်းမြစ်များ

Mateu 27:56

Pakati pavakongwe avo, andípagwa Maliya wa ku Magadalena, Maliya anyoke Tiyagu namu Yoshe na kupagwa jujugwave vanavake Shebedeu.

Mateu 27:61

Po pashonga po, andíikala Maliya wa ku Magadalena namu aijá Maliya junji.

Mateu 28:1

Napanelo likapite liduva lyakupumula, palishitunduvanga liduva litandi lyaishumana, Maliya wa ku Magadalena namu Maliyamwagwe vandyúka ndalola shonga.

Malukushi 15:40

Namomo popo po, vandípagwa vakongwe vàimilenge kushu valola. Pakati pave vanji vo vavele ava: Maliya wa ku Magadalena, Maliya anyoke nnemba ndikidiki Tiyagu namu Yoshe pamo namu Shalome.

Malukushi 15:46

Bai Yoshe andíshuma ishanda yakunamikanga kusha mili umwe Yesu panshalaba kwavilidyanga na ishanda yo kutwala kuka ndavika mushonga shavapakaídye mulijanga. Akavike, andíingiliya lijanga kuka ndadiva pannango washonga.

Malukushi 16:1

Bai likadimbe liduva lyakupumula, Maliya wa ku Magadalena, Maliya anyoke Tiyagu pamo namu Shalome vandíshuma mauta akunung'angila pakulota vauke vakapake mili wake Yesu.

Lukashi 23:55

Napanelo vakongwe avalá vaaléke namu Yesu ku Galileya, vandímwoda Yoshe, vandyóna shonga ashilá na mwavaladyadidye mili.