Malukushi 14:2 - Ibibiliya mu Shimakonde Imbodi Yaambi na dimbande dya Imbodi Yakala

² Vanavo vashindatangola vaashidoni, “Haunave wakati washikukulu mwaa inkuulukika venentete kutenda mandamano akupinga.”

Malukushi 14:2 ပူးပေါင်းရင်းမြစ်များ

Mateu 26:2

“Mwenu mundimanya kenga andibakila maduva mavili pakulota kuwika Pasaka. Mwana Wamunu vanankamudya kwavanu pakulota vankamele panshalaba.”

Mateu 26:5

Napane vovo vo vashishidoni, “Haunave wakati washikukulu mwaa inkuulukika venentete kutenda mandamano akupinga.”

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Malukushi 11:32

Ata tukaashidoni, ‘Walakadilé kwavanu…’ ” Vanavo vashindavajopa venentete mwaa venentete vashindamwamini Nshuwau kuva nkúlava.

Malukushi 14:1

Akuno àbakidile maduva mavili pakulota kuwika Pasaka na shikukulu shamagung'u ákavele nkukumuku, vanang'olo vavakulangalalela-shadaka na vamwalimu vadishaliya vashindalambela dindila dyakushang'apa pakulota vankamule Yesu vammyae.

Malukushi 14:3

Bai nae àvele ku Betaniya, àikele pandamu nng'ande mwake Simoni aijá wamangundula, kuwika nkongwe jumo ànyukete ishupa yamauta akunung'angila ambone-uti aúka njuluku woe. Nkongwe ishupa yo kutumbula kutwala kumiminila mauta mmuti mwake Yesu.

Lukashi 20:6

Namomo tukaashidoni, ‘Walakadilé kwavanu,’ venentete uti vandatwamanga majanga mwaa vanavo vaninkulupila Nshuwau kuva nkúlava.”

Lukashi 22:1

Napanelo shikukulu shamagung'u ákave nkukumuku shavashishema Pasaka, shishindavandikanga.

Nshuwau 12:19

Nadoni mapalishayo vandyaulanila shivenevene kushidoni, “Wetu apa hashipali shatwamba! Shapo lola, shilambo uti shindimwoda nae!”

Nshuwau 7:40

Nadoni vanu vanji pakati paimbumba vakaigwe malove alo vandítangola vaashidoni, “Aju mwiu ni nkúlava watushinnindila aide.”