Malukushi 14:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Akuno àbakidile maduva mavili pakulota kuwika Pasaka na shikukulu shamagung'u ákavele nkukumuku, vanang'olo vavakulangalalela-shadaka na vamwalimu vadishaliya vashindalambela dindila dyakushang'apa pakulota vankamule Yesu vammyae.

Malukushi 14:1 ပူးပေါင်းရင်းမြစ်များ

Mateu 12:14

Bai mapalishayo pavaumanenge nshitala amulá, vandíikala shemba pakulota vammalidye.

Mateu 6:2

Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Malukushi 14:12

Napanelo muliduva litandi lyashikukulu shamagung'u ákavele nkukumuku pavashinshinda ngandolo wa Pasaka, vakwoda vake Yesu vandímudya kushidoni, “Ulota Pasaka ai tukakupanganiangidye kwashi ulye?”

Malukushi 14:2

Vanavo vashindatangola vaashidoni, “Haunave wakati washikukulu mwaa inkuulukika venentete kutenda mandamano akupinga.”

Nshuwau 11:47

Vanang'olo vavakulangalalela-shadaka pamo na mapalishayo vandíikala nguguvale kutwala kushido, “Na wetu apa shipali shatwamba? Munu aju ankulodya vimanyikilo vyoe namene.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Vitendo 12:4

Patulu akakamuligwe, Elode anínjela nkalaboshi kutwala kummikila vipinga nsheshe vyamabulisha váshipishania nsheshe-nsheshe vanshunga pakulota ling'oto lyashikukulu sha Pasaka amuukumu paumbala.