Malukushi 13:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Mwenu mundavangadika na vanu uti kwamwaa wangu nangu kanji aijá álota kulipililila mpaka kumwisho, ajo andaambolegwa.

Malukushi 13:13 ပူးပေါင်းရင်းမြစ်များ

Mateu 10:22

Vanu uti vanammangedya kwamwaa wangu nangu napane aijá álota kulipililila mpaka kumwisho andaambwalegwa.

Mateu 24:13

napane aijá álota kulipililila mpaka kumwisho, ajo andaambwalegwa.

Mateu 24:9

“Napanelo vanavo vanankamula kumuukanavo ndamuuvyanga na vanammyaa. Mwemwe mundavangadika kwavenentete uti kwamwaa walina lyangu.

Malukushi 13:12

Nkulumunu anankamudya nung'unumunu vampedye na tatamunu anatandela momo kwamwanamunu. Vana vandavavangedya vatatavave na vandavapedya.

Lukashi 21:17

Vanu uti vanammangedya mwaa wangu nangu

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Nshuwau 15:21

Vanavo mwenu vanantenda davo kwamwaa walina lyangu pakuva havammanyite aijá ángutumididye.

Nshuwau 17:14

Nangu ndivapa lilove lyako kutwala vashilambo kuvavangedya mwaa havanava shinu vashilambo; vanavo vavelé mo mwanguvalalele nangu ndikave washilambo.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Vagalata 6:9

Hatunadobe kutenda wambone mwaa tukanadabadabangila, pauwika wakati wake po, tundapuna.

Vabalaniya 10:39

Kanji napane wetu hatunava shinu vamushipinga sha avalá vatíla vauka kukubamalegwa kanji tunkupagwa mushipinga sha avalá vavénavo likulupililo vauka kukwambolegwa ungumi wave.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

I Nshuwau 3:13

Mmanung'unumunu, hamunashange shilambo pashimmangedya.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.