Malukushi 13:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Napanelo ukanava kuwika mwisho indivaikila ntenga wambone uvalangangigwe kwavenentete uti.

Malukushi 13:10 ပူးပေါင်းရင်းမြစ်များ

Mateu 12:41

Avalá vanenive paukumu vandatakatuka kwimila kuvaukumu vanu vaimbula ai. Vanenive vo, pavaigwite kuvalanganga kwantenga kumwe Janashi vandílijugulanga. Mwenu! Apa apali nang'olo kuliko Janashi.

Mateu 24:14

Nadoni ntenga wambone wautawala undavalangangigwa mushilambo uti pakulota uve ushuda kwavenentete uti kutwala kuwika mwisho.

Malukushi 16:15

Napanelo Yesu andívaulila doni, “Wena mushilambo uti mupita mummalangangila kula munu ntenga wambone.

Valoma 1:8

Shinantandi ninkunnambwalela Nnungu wangu kwaindila imwe Yesu Klistu kwamwaa wenu mwenu uti mwaa likulupililo lyenu linkuvalangangigwa mushilambo uti.

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete