Malukushi 12:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Kanji avalá vakulima vandyáulanila shivenevene vaashidoni, ‘Aju ni jojo walota kunkamudya lishamba. Idananga akuno tummalidye kwambangidya lishamba live lyetu.’

Malukushi 12:7 ပူးပေါင်းရင်းမြစ်များ

Mateu 2:16

Napanelo Elode pamanyite doni vakumanya-dinondo vaninduwanga, nae andíshimwa namene akalamulila vavabyange vana valume uti va pa Beteleemu pamo na vammakaja anyenjemwake, vana avo vavyaka vivili kwida mwina kwodana na wakati wapatilile dyabali na vakumanya-dinondo.

Mateu 21:34

Pauwikile wakati wamapuno nae kuvatumidya vatumika vake kwavakulima ko vakatwale isemu yake yavyepo.

Malukushi 12:12

Napavedoni vanavo vashindalambela dindila dyakunkamulila mwaa vandímanya kenga nkong'o awo, ashivakang'ela vanavo. Kanji kwodamwaa vashindajopa imbumba yavenentete, vanínneka kutwala kuukananga.

Malukushi 12:6

“Napanelo andíijalila munu jumo e avele mwanagwe washinnagwaledya mwene. Bai kumwisho kwake aníntumidya jojo jo aashidoni, ‘Apa mwanangu aju vandamwishimu!’

Malukushi 12:8

Nadoni vanavo vanínkamula kumpedya kutwala kunjela kunyenje lishamba.

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 5:28

aashidoni, “Da mwenu wetu hatunnaidye ngala kupundisha palina lyamunu ajo? Shapo lola, nkaja mu Yelusalemu amu malove enu andyaandavala uti na ata mpaka mulota twitikange yamyadi vyamunu aju.”

Vitendo 7:52

Shapo nkúlava shani wávakampapete vanyakalavenu? Vanavo vandivabyaanga vakulava vake Nnungu váshivalanganga kwida aijá Waishaliya umwe Nnungu na mwenu jojo muninnimya na munimpedya.

Vabalaniya 1:2

kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.