Malukushi 12:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ “Napanelo andíijalila munu jumo e avele mwanagwe washinnagwaledya mwene. Bai kumwisho kwake aníntumidya jojo jo aashidoni, ‘Apa mwanangu aju vandamwishimu!’

Malukushi 12:6 ပူးပေါင်းရင်းမြစ်များ

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Malukushi 1:11

kutwala kuwa kwigwinika lidi litédoni, “Wako ni umwanangu wanikunagwaledya, gwegwe unkwidanavo lipuwilo kwangu.”

Malukushi 12:5

Kuntumidya kavili junji; ajo vanavo kumpedya. Nae kuvatumidya vanji voe; vanavo, vanji kuvakamanga, vanji vo kuvapedya.

Malukushi 12:7

Kanji avalá vakulima vandyáulanila shivenevene vaashidoni, ‘Aju ni jojo walota kunkamudya lishamba. Idananga akuno tummalidye kwambangidya lishamba live lyetu.’

Malukushi 9:7

Bai kutwala kushuluka lyundi kuwa kuvainikidya, mo mulyundi mo kwigwinika lidi litédoni, “Aju ni mwanangu waninnagwaledya! Jojo jo mwigwilile!”

Lukashi 3:22

kukashimuke, Imumu Wanashwe wakwaneka shana wakuva mwang'unda kushuluka kuntulila mumili kutwala kuwa kwigwinika lidi lishishidoni, “Wako ni umwanangu wapantima, ninkukunnagwaledya namene; kwamwaa wako wako nangu ninkupuwanga namene.”

Lukashi 9:35

Mo mulyundi mo lindyúma lidi líshishidoni, “Aju ni mwanangu, wakutandalegwa wangu, jojo jo mwigwilile!”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 3:35

Tatamunu ankunnagwaledya Mwana na vinu uti aninkamudya.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Vabalaniya 1:6

Namomo kavili Nnungu pantumididye mushilambo amu Ntandi kuvalekwa atédoni, “Vanjelo uti vake Nnungu valipudye kwake nae.”

I Nshuwau 4:9

Amu ni mwaladyadidye Nnungu linagwaledyo lyake pakati petu wetu pantumididye Nnungu Mwana jumo jojo mushilambo amu pakulota tuname kwaindila yake.

III Nshuwau 1:1

Kwanang'olo kuka kumwe wakunagwaleka Gayu, aijá waninnagwaledya kwaumwiu.