Malukushi 12:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Kutwala Yesu kushidoni, “Vimwe Shashali, mwing'e mwene Shashali na vimwe Nnungu, mwing'e mwene Nnungu.” Bai vanavo vashinanshanga.

Malukushi 12:17 ပူးပေါင်းရင်းမြစ်များ

Mateu 22:21

Vanavo do, “Shashali!” Nae kushidoni, “Bai vimwe Shashali mwing'e mwene Shashali na vimwe Nnungu mwing'e mwene Nnungu.”

Mateu 22:22

Vanavo pavaigwite davo vandíshanga kutwala kunneka kuumananga kuka.

Mateu 22:33

Bai dimbumba dyavanu pavaigwite davo vandíshanga namene mapundisho ake.

Mateu 22:46

Bai hapagwíte munu wakujang'ula ata lilove limo na kutunduvangila muliduva alyo hapagwíte kavili munu wakulyalaveka kumudya shinu shoeshoe.

Mateu 8:10

Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Malukushi 12:16

Vanavo kwidanavo ndamupa kutwala nae kuvaudya, “Da ing'ope ai imwe nyani na namakong'o aju umwe nyani?” Vanavo kushidoni, “Shashali.”

Malukushi 12:30

Nnagwaledye Umu Nnungu wako na ntima wako uti, ungumi wako uti, ding'anong'ano dyako uti na dimongo dyako uti.’

Lukashi 20:25

Yesu kutwala kushidoni, “Bai vimwe Shashali, mwing'e mwene Shashali na vimwe Nnungu, mwing'e mwene Nnungu.”

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Valoma 13:7

Napavedoni, vape vanu uti ashilá shivavaikidíle: waukodi mupe ukodi, wanshango mupe nshango, ávaikidile kujaweka ajaweke na ávaikidile apate ishima, mupe ishima.

Valoma 6:13

Hamunajaule dimbande dyenu dyamili kwalidambi kenga vikalelo vyaungave-shaliya kanji lijaule kwa Nnungu kenga mmanu wavantwete mukupela kuka mushingumi na jaula dimbande dyenu kwa Nnungu kenga vikalelo vyaishaliya.

I Patulu 2:17

Mwishimu kula munu, vanagwaledye vanung'unumunumwenu, njope Nnungu na mwishimu umu.