Malukushi 12:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Napavedoni vanavo vashindalambela dindila dyakunkamulila mwaa vandímanya kenga nkong'o awo, ashivakang'ela vanavo. Kanji kwodamwaa vashindajopa imbumba yavenentete, vanínneka kutwala kuukananga.

Malukushi 12:12 ပူးပေါင်းရင်းမြစ်များ

Mateu 21:26

Ata tukaashidoni, ‘Walakadilé kwavanu,’ tuvajopa venentete mwaa vanavo uti vankumwamini Nshuwau kuva nkúlava.”

Mateu 22:22

Vanavo pavaigwite davo vandíshanga kutwala kunneka kuumananga kuka.

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Malukushi 11:32

Ata tukaashidoni, ‘Walakadilé kwavanu…’ ” Vanavo vashindavajopa venentete mwaa venentete vashindamwamini Nshuwau kuva nkúlava.

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Lukashi 20:6

Namomo tukaashidoni, ‘Walakadilé kwavanu,’ venentete uti vandatwamanga majanga mwaa vanavo vaninkulupila Nshuwau kuva nkúlava.”

Nshuwau 7:25

Vayelusalemu vanji kutwala kushidoni, “Da aju i jojo wavannambela vammalidye?

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:44

Vanji pakati pave vashindalota vankamule kanji hapagwíte wakulyalaveka kundabunya.