Malukushi 11:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Bai nae andítangalela nnandi awo kushidoni, “Kwako wako mwiko, halya munu kavili vyepo.” Malove alo, vakwoda vake vashindaigwa.

Malukushi 11:14 ပူးပေါင်းရင်းမြစ်များ

Mateu 21:19

Bai akone nnandi uvéle mwankuju nanyenje indila nae kuukila mene kukodya shinu ila mamba gweka nae kushidoni, “Unnandi wako, mwiko haunape kavili.” Nnandi muwakati wowo wo, kujuminneu.

Mateu 21:33

“Napanelo igwilila nkong'o unji! Andípagwa ntajili jumo e alimíle lishamba lyake lyamilandi vyavinyu. Lishamba alyo nae andítang'anedya na lingongo kwimba shima shakuminyangila vinyu, kudenga libodo lyakulepa kutwala kuvakodisha vakulima mwene kutwala mwanda kuka.

Mateu 21:44

Aijá álota kugwilila palijanga ali, andapandakanga na aijá walilota kungwilila, andatipulikanga.”

Mateu 3:10

Imbedo vandilumika palindi lwannandi tayali. Kula nnandi úkapa vyepo vyambone, vandálumula kujela pamoto.

Mateu 7:19

Kula nnandi úkapa vyepo vyambone vandálumula kujela pamoto.

Malukushi 11:13

Akone kwakushu nnandi uvéle mwankuju ùvele na mamba ake, nae kuka ndalola nakapanji andona shinu shoeshoe. Pavandike hagwene shinu ila akodidye mamba mwaa hauvele wakati wakupa vyepo.

Malukushi 11:15

Vanavo vankuwika pa Yelusalemu. Yesu painjidile mwing'ande ya Nnungu andítunduvanga kuvakumulanga vanu váshishumidyanga na váshishumanga vinu, kugang'alanga dimesha dyavakushenji-njuluku na dikiti dyavanu váshishumidyanga ding'unda.

Nshuwau 15:6

Leka munu akapagwa nkati mwangu, munu ajo akandijalegwa ako kenga lutavi kutwala kujuma. Dinavi adyo vandalakota, kujela pamoto kutwa kupya.

II Patulu 2:20

Napane ikava kenga vanavo vandipalanyoka muudagwa wamushilambo kwaindila yakummanya Umu wetu na Mwamboli Yesu Klistu kutwala kujola kavili na kutamegwa muudagwa, shinamidyo shavanavo shinkumamodya kunyata kupunda shitandi.

Maono 22:11

Átenda vyakunyata auke mushu atenda vyakunyata; átenda vyaushapu auke mushu atenda vyaushapu; átenda vyaishaliya auke mushu atenda vyaishaliya; wakwilimyanga auke mushu ailimyanga.”