Malukushi 10:52 - Ibibiliya mu Shimakonde Imbodi Yaambi na dimbande dya Imbodi Yakala

⁵² Yesu kushidoni, “Wena, likulupililo lyako lindikuposha.” Muwakati wowo munu jo kulalenneu kutwala kupita amwoda Yesu mwashuka.

Malukushi 10:52 ပူးပေါင်းရင်းမြစ်များ

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

Mateu 12:22

Napanelo vanu vandímwidanavo kumwe Yesu munu jumo walijini, wakuputala mevo na bubu nae kumponia, munu jo kutangola na kulola.

Mateu 15:28

Yesu kutwa kushidoni, “Ajaló, likulupililo lyako likumene namene! Nadoni vikutandeke kenga mo mwaulatadile.” Bai muwakati wowo mwanagwe jo kuponenneu.

Mateu 21:14

Mo mwing'ande ya Nnungu mo, kumwidila vakuputala mevo na vakulamala nae kuvaponia.

Mateu 8:3

Yesu kunyalodya nkono wake kunkwaa kushidoni, “Elo ndilota, takata!” Malemba lo kulambalakenneu, mili wo kutakata.

Mateu 9:22

Yesu kushiliuka. Pangwene, kumwaulila kushidoni, “Lyunge ntima mwanangu. Likulupililo lyako lindikuponia.” Kutunduvangila muwakati wowo nkongwe jo kupona.

Malukushi 1:31

Nae kumuukila aijá nnwele kunkamula nkono, kuntakatuwa, nnwele jo kupona kutwala kutunduvanga kuvatumikila.

Malukushi 5:34

Yesu kutwala kushidoni, “Mwanangu, likulupililo lyako lindikuposha, wena kwaamani na pona shilwele shako!”

Malukushi 8:25

Yesu kummika kavili makono kumevo nae akuno alola ndoo! Munu jo kupona vinu uti kwona shana.

Lukashi 7:50

Kanji Yesu andímwaulila nkongwe jo kushidoni, “Likulupililo lyako lindikuposha, wena kwaamani.”

Lukashi 9:48

kutwala kuvaulila kushidoni, “Woewoe álota kumpwashalela ndyoko kenga aju palina lyangu, angupwashalela nangu na woewoe álota kungupwashalela nangu, ampwashalela aijá ángutumididye. Jo álota kuva ndyoko pakati penu mwenu uti, bai jojo andava nang'olo.”

Nshuwau 9:32

Tangu kunantandi hainava kwigwinika do, munu woewoe anintadya kulola wakuputala mevo shing'ang'eng'e.

Nshuwau 9:39

Yesu kushidoni, “Shangwidilidile mushilambo amu ni kwamwaa wakuukumu pakulota avalá vákalola vapate kulola na avalá valóla, vaputale.”

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’