Malukushi 10:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Nae paigwite kenga Yesu wa ku Nashaleti ankupita mulyutu alyo andítunduvanga kushema pashanya po aashidoni, “Mwanagwe Daudi, Yesu wako, ngwanangila shididi.”

Malukushi 10:47 ပူးပေါင်းရင်းမြစ်များ

Mateu 1:1

Ali ni lishauma lyamaimyo lyavanakuluvake Yesu Klistu ndukulugwe Daudi na jojo ndukulugwe Abulaamu.

Mateu 12:23

Imbumba uti yavanu indishanga iishidoni, “Da aju, ava jo mwanagwe Daudi?”

Mateu 15:22

Mwenu! Nkongwe jumo nkanaani waisemu ayo kumuukila akugwa pashanya po aashidoni, “Umu, mwanagwe Daudi, ngwanangila shididi! Mwanangu nkongwe anintawala lijini kupunda apo.”

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Mateu 20:30

Mwenu! Vandípagwa vanu vavili vakuputala mevo ve vaikéle nanyenje indila. Vovo vo, pavaigwite kenga Yesu ankupita vanditangola pashanya po vaashidoni, “Umu, mwanagwe Daudi, twanangila shididi!”

Mateu 21:11

Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Mateu 21:9

Imbumba íshuka mushu na íshimwoda, dishindatangola pashanya po diishidoni, “Kushibika kupagwe na mwanagwe Daudi. Aalaligwe aijá áida palina limwe Umu. Kushibika kupagwe kushanya-uti.”

Mateu 26:71

Bai pashuumila pannango walugwani, ntumika junji nkongwe kumwona kutwala kuvaulila vanu vavéle apo kushidoni, “Munu aju avele pamo namu Yesu wa ku Nashaleti.”

Mateu 9:27

Napanelo Yesu paumile apo, vandímwoda vakuputala mevo vavili vakugwa pashanya po vaashidoni, “Mwanagwe Daudi, twanangila shididi!”

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Lukashi 4:16

Napanelo andíwika palikaja lyake lyakulumukidile pa Nashaleti; akawike apo, muliduva lyakupumula nae mwalidyavalelo lyake, andíinjila mushitala shakulipudidya. Akainjile, andítakatuka pakulota ashomye;

Nshuwau 1:46

Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”

Nshuwau 19:19

Napanelo Pilatu kwandika malove mulibau kuka ndakamela panshalaba; malove alo aandike doni, “Yesu Nnashaleti, Umu Wavayuda.”

Nshuwau 7:41

Vanji vashishidoni, “Aju ni Klistu!” Napane vanji kushidoni, “Mene. Klistu jo, inkuululika nae kwalakela ku Galileya?

Nshuwau 7:52

Vanavo vakanjang'ula doni, “Da nawako momo ungalileya? Wena ukalalyange shana mumaandiko; undaanalalela kenga ku Galileya, mwiko hanaaloka nkúlava ata jumo.” [

Vitendo 6:14

Wetu tundimwigwa atangola kenga ashii Yesu wa ku Nashaleti andabamola lyutu ali na kupindikulanga yadi yatulakadile Musha.”

Maono 22:16

“Nangu Yesu nintumidya njelo wangu aide aumye ushuda wavinu avi kwenu mwenu mmaganisha. Nangu ni Ntipu na Udukulu umwe Daudi, Inondo Yalyalosho ing'ála.”