Malukushi 10:38 - Ibibiliya mu Shimakonde Imbodi Yaambi na dimbande dya Imbodi Yakala

³⁸ Nae kushidoni, “Hamunamanya shinu shakujugwa. Da mwenu munkuulula kukumbila luwene lwangukumbila nangu kwali kupata ubatisho wangupata nangu?”

Malukushi 10:38 ပူးပေါင်းရင်းမြစ်များ

Mateu 26:39

Nae akauka mushu padyoko kugwa ing'ope kutindya pai kutwala kushwali aashidoni, “Atata, ikaululika nyemya pamili pangu luwene alu ila haunatende mwangulatela nangu, tenda mwaulatela wako umwene.”

Mateu 3:6

Vanavo vashindabatishigwa namu nae mulundi lwa Yudani akuno valivalanganga madambi ave.

Malukushi 14:36

Napane kushidoni, “Aba, Atata, vinu uti wako unkuulula. Nyemya luwene alu pamili pangu ila haunatende mwangulatela nangu, tenda mwaulatela wako umwene.”

Lukashi 12:50

Ninkuvanavo ubatisho unguvaikidíle ngubatishwe, napane kutumbula dashi vingushanona muntima ata mpaka utandeke.

Lukashi 22:42

aashidoni, “Atata! Ukalota nyemya pamili pangu luwene alu ila hainave mwangulatela nangu, ive mwaulatela wako umwene.” [

Nshuwau 18:11

Yesu napane kumwaulila Patulu doni, “Kondya lyambila! Da hangunakumbile shikombe shangupele Atata?”

Valoma 8:26

Nimumo momo Imumu inkutupwashela nkati mukudabadabanga kwetu mwaa hatunamanya shinu shakwashi shakushwalidya kanji jo mwene Imumu ankutujugwila wetu kwakukuta kúkaululika kuvalanganga.

Tiyagu 4:3

Pamujugwa, hamunapata shinu mwaa munkujugwa kwamalotelo akunyata kwambangidya mujaange muditamaa dyenu.