Malukushi 10:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Vakwoda vake vandíshanga malove alo kanji nae kavili kushidoni, “Mmanavangu, me pandikamadyanga namene kwinjila muutawala wa Nnungu.

Malukushi 10:24 ပူးပေါင်းရင်းမြစ်များ

Mateu 19:25

Bai vakwoda vake pavaigwite malove alo, vandíshanga namene kutwala kushidoni, “Ikava davo po aambwalegwa nyani?”

Malukushi 1:27

Vanu uti ni kushanga doni na kutunduvanga kuudyania vaashidoni, “Da shinu ashi nyamani? Mapundisho aambi! Mapundisho avénavo madalaka! Mpaka nae ata majini mashapu ankulamulilila kutwala anavo kumwigwilila.”

Malukushi 10:23

Yesu kushiliuka kulalyanga nnyenje mwake kuvaulila vakwoda vake kushidoni, “Pandikamadyanga namene vatajili kwinjila muutawala wa Nnungu!”

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Nshuwau 13:33

“Mmanavangu, undibakila wakati padyoko wakupagwa namu mwenu. Munangulambela napane kenga mo mwandivaulidile vayuda, ambi apa ninkumwaulila mwenu, ‘Kwanguka nangu mwenu hamuulula kuka.’

Nshuwau 21:5

Nae kutwala kuvaudya, “Mmanavangu, hamuvenavo dyomba?” Vanavo do, “Um, mene.”

Nshuwau 6:60

Napanelo vakwoda vake voe vakaigwe vinu avyo vandítangola kushidoni, “Lilove ali lindikamadyanga. Alota kuulula nyani kulyunga ntima kwigwilila?”

Vagalata 4:19

Mmanavangu, mwemwe mmanimuvauvangila kavili mauvilo alalá akuvaleka mpaka Klistu aliikiniye kwenu,

I Timoti 6:17

Kwavatajili vawakati au, valaililile havanalyone, havanavike lilindilililo lyave mumali ákakulupilika kanji vavike lilindilililo lyave kumwe Nnungu átupa uti kwabila kulakalela kwalipuwilo lyetu.

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Nshuwau 5:21

Mmanavangu, lishunge kwavannungu vakushang'apa.

Maono 3:17

Wako uushidoni, ‘Nangu nintajili, nditajilika doni na hashipali shingwova.’ Kumbe haunalimanya shinu kenga wako wakuvauvanga, útaa shididi, úkave pashinu, wakuputala na úve matakudavo.