Malukushi 10:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Yesu pannadile aninnagwaledya kutwala kushidoni, “Shindikubakila shinu shimo. Uti vyauvenavo wena ukashulushe, njuluku wo uvape vákave pashinu. Undavanavo libadila kuwa; ling'oto, ida ungwode.”

Malukushi 10:21 ပူးပေါင်းရင်းမြစ်များ

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Mateu 19:21

Yesu kushidoni, “Ukalota kuva umunu washalowa-uti wena ukashulushe vyauvenavo uti, njuluku wo uvajavile vákave pashinu. Apo undavanavo libadila kuwa ling'oto wide ungwode.”

Malukushi 10:22

Nnemba aijá paigwite lilove alyo andítangadikanga shintimatima na andívanavo shipalodi shoe mwaa avenavo vinu vyoe.

Malukushi 8:34

Bai nae kushema imbumba yavanu pamo na vakwoda vake kuvaulila kushidoni, “Munu akalota kungwoda nangu, alishukulu jo mwene anyukate nshalaba wake angwode.

Lukashi 10:42

kanji shilatégwa ni shinu shimo. Ni Maliya átandwele shinu asho shambone, hayululika kumpoka.”

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Lukashi 16:9

“Nangu ninkumwaulila doni, panga dimbodi kuwa mutumila mali aungave-ishaliya pakulota mushu mo akamalilika, vanavo kuwa ko, vampwashalele.

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 19:41

Napanelo pawikile pashengo, bai pagwene likaja alilá andílilangila

Lukashi 9:23

Namomo andívaulila vanu uti doni, “Munu akalota kungwoda nangu, alishukulu; kula liduva anyukate nshalaba wake angwode.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Vitendo 2:45

vashindashumidya vinu vyave kutwala njuluku kuukanavo ndajavananga vamupa kula munu kwodananavo víshimwova pamili pake.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Timoti 3:12

Kwakutangola mwiu kula álota kunama shinamidyo shakunjopa Nnungu nkati mumwe Klistu Yesu, andapapatigwa.

Vabalaniya 10:34

Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.

Tiyagu 2:10

Mwaa aijá áigwilila lilamulo uti kutwala mo nkati mo kulikuvala lilamulo limo, ajo ankuva wamakosha auti.

Maono 2:14

Ila vipali vinu padyoko vikunyatyánga wako, ako vapali vaodedya mapundisho ake Balaau, aijá ámpundishidye Balaki kuvateja lutambo vanaishilaeli pakulota valye vyakulya vyavashivaumidya vannungu vakushang'apa na valavalave;

Maono 2:20

Ila napane shipali shikunyatyánga, wako unkumpambedya Yeshebeli nkongwe álivika kuva nkúlava. Kwamapundisho ake, nae ankuvaashedya vatumika vangu mukulavalava na mukulya vyakulya vyavavaumididye vannungu vakushang'apa.

Maono 2:4

Ila napane shipali shikunyatyánga; wako undileka linagwaledyo lyako litandi.