Malukushi 10:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Napanelo Yesu pashuukanavo kavili mushu na shimwanda shake, munu jumo aníntukutila kuka ndaguguvala mushu mwake ndaashidoni, “Mwalimu wambone, ngutandelé mwashi pakulota ngupate shingumi shíkamalilika?”

Malukushi 10:17 ပူးပေါင်းရင်းမြစ်များ

Mateu 17:14

Napanelo vakawika paimbumba yavanu munu jumo kumuukila Yesu kunguguvalila

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Mateu 28:8

Vakongwe avalá vakaumananga shipajelo shosho vatukuta akuno vàvenavo kujopa na lipuwilo likumene, vandyúka ndavamanyiya vakwoda vake.

Malukushi 1:40

Napanelo Yesu andímwidila munu jumo ávenavo malemba mumili, jojo jo kutwala kunguguvalila kunjugwangila kushidoni, “Ukalota, unkuulula kungutadya ngutakate.”

Malukushi 10:18

Nae kushidoni, “Mwaa shani ungushema kuva wambone? Hapali munu wambone; wambone ni gweka Nnungu bai.

Malukushi 12:14

Vanavo kumuukila kutwala kushidoni, “Mwalimu, wetu tundimanya shana kenga wako ni umunu waumwiu úkananapela mumaoni avanu mwaa haunalola ing'ope yamunu kanji unkupundisha kwaumwiu indila yalota Nnungu. Napanelo ni shambone nkati mulilamulo lyetu kunnipa Shashali ukodi kwali mene? Wetu po, tunkuulula kulipa kwali mene?”

Malukushi 9:25

Napanelo Yesu pagwene iminga yavanu yumbalanila anínshulanga lijini nshapu jo kushidoni, “Wako lijini bubu na úkaigwa, nangu ninkukulamulila kuma mumili mwandyoko aju na haunainjile kavili!”

Lukashi 10:25

Mwe! Mwalimu jumo wadishaliya kutakatuka kunninga Yesu aashidoni, “Mwalimu, Ngutendé nyamani pakulota ngupate shingumi shíkamalilika?”

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 5:39

Mwenu munkulambela mumaandiko mwaa nkati mwake mo mwona doni mundivanavo shingumi shíkamalilika; lolo lo ankunguumidya nangu ushuda,

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Vitendo 16:30

Nae kutwala kuvaumidya panda kuvaudya, “Mmanang'olo inguvaikidile ngutende nyamani ngwambolegwe?”

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Vitendo 20:32

“Napanelo nangu ninkunkamudya kwa Nnungu na kwalilove lyaumonyo wake lyulúla kunkulumuwa na kumupa maleko pakati pa avalá vailimyangígwa.

Vitendo 9:6

Napavedoni takatuka winjile nkaja mo! Mo nkaja mo, vandakwaulila shilotéka utende.”

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

I Patulu 1:4

na maleko ákatimbikanga, aungave-udagwa na ákadingala avakandidye kuwa kwamwaa wenu.

I Nshuwau 2:25

Nadoni shalivikidile nae kwetu wetu ni ashi: shingumi shíkamalilika.